[رويشد]

يا صباح الخير يا وجيه الجماعه = من ضمير ٍ كل ما يشتاق غنا
ودنا في شاعر ٍ لو ربع ساعه = ناخذ علومه وياخذ علم منا

الموضوع الأصلي: يا صباح الخير يا وجيه الجماعه | | الكاتب: رويشد | | المصدر: شبكة بني عبس

[محمدالعجلان]

ياصباح النور والكنز القناعه=قبل لاتحفي خفافك ياجملنا
كان عندك ياابيض الوجه استطاعه=شامنا له عام يشكي يايمنا

[صعصعة]

صـح لسساااانكك

[رويشد]

أسمع النشرات من عبر الاذاعه = رددوا قول ٍ ما يصدق في عربنا
أنت قلبك داخله خوف ٍ وراعه = ولا سمعنا لك مع الانصار فنا

[محمدالعجلان]

العرب بالفعل يارويشد بضاعه=في يدين الغرب حتى لو زعلنا
الزمان اللي تفيد به الشجاعه=راح واقبل لك زمن ماهو زمنا

[رويشد]

أثرك اللي بالبحر راكز شراعه = جاك يا مهنا بوقتك ما تمنا
حاضرين ٍ باللقا سمع ٍ وطاعه = والمصايب دونها يافلان حنا

[محمدالعجلان]

علتك عيت تبينها الاشاعه=يامرض القلب غادر عن وطنا
انت طماع مادريت انك طماعه=مير لوتموت مثلك ماشحنا

[رويشد]

صاحبي يا زين حسنه وأستماعه = في سدير أتقول من ال المهنا
يا ربيعه لو تعذرب في قضاعه = زدت لك بالكيل من هيل ٍ وبنا