[ابو بيان]

محاورة بين الشاعر فيصل الرياحي وعبدالله ابن شائق و انشاء الله تعجبكم

بن شايق
مراحب وارحبو يا مرحبا ترحيب شوق حـار**أحط ايدي على العلـه وآداويهـا وآعالجهـا
انا والله ما آبسط لين آثـور عجـة الشعـار**وآشوف الملعبـة يختـظ داخلهـا وخارجهـا
الرياحي
يدوم لك البقاء دام البقا عند اللقاء مـا بـار**لنا منهج ونعرف عـادة النـاس ومناهجهـا
ليا حصلت لك بستان حول وأقطف الازهـار**ترى العربان تقدر تحرجـك قـدام تحرجهـا
بن شايق
صدق من قال يا زين العلوم ان سلمت التكرار**وكذب من قال ترديـد السوالـف مايسمجهـا
أنا عنـدي سفينـة طايـرة ربانهـا طيـار**بحرهـا للجنايـز والمقابـر فـي مدرجهـا
الرياحي
أنا خابرك تاجر تعـرف الاسـواق والتجـار**لكن أذاعتك منـذو سنـه خربـت برامجهـا
تحولت السفينـه طايـرة يـا لله يـا ستـار**سفينة طايرة صوب السماء وانت امتولجهـا
بن شايق
انا بالشعر متنبي شهاده من طـوال اعمـار**وانا ما آهرج الكرعان بل الـروس آهرجهـا
يقولون الرخوم تشك لكـن الحـرار احـرار**آسمع ناس واسمعها ما تزعجني ولا أزعجها
الرياحي
وانا للشعر مثل الجامعة يـا الطالـب المكـار**أدرسك أنت مع طلابهـا واحضـر تخرجهـا
ابن شايق خطب ليلى وأظنه حلم ليل وطـار**خطبها له ثلاث سنين وازرى مـا تزوجهـا
بن شايق
يا زين العفو والغفران يا معبـود يـا غفـار**عرب متشنجه واليـا متـى يكبـر تشنجهـا
بغيت أنسى هوى ليلى وآطلق حبها السحـار**لكن ليلـى حلالـة قـوم ساحرنـي تغنجهـا
الرياحي
أنا بآخيرك يا خوي فـي المعـذار والمقـدار**ترى ظيفك ما حقه بالعلوم اللـي تمروجهـا
زمانٍ فات تغنج لك وتهرج لك بعض لسـرار**وهالحينه ما تقبل لو على ظهـرك تحججهـا
بن شايق
مسا الخير وصباح الخير ودك خير ولا خـار**كلامي جرهدي ماهـو بـاشاعـاتٍ تروجهـا
لنا وجه ولنا جاه ولنـا مثـل القبايـل كـار**وبعض الناس لا كـار ٍ ولاجـاهٍ ولا وجهـا
الرياحي
علومك لا تطولها يا بن شايق وهـي قصـار**ترى الافعال والاقوال تحسـب مـن نتايجهـا

الموضوع الأصلي: محاورة الشاعر عبدالله ابن شائق والشاعر فيصل الرياحي | | الكاتب: ابو بيان | | المصدر: شبكة بني عبس

[نايف سليمان]

مشكور يابو بيان الله يبيض وجهك


محاوره طيبه من طيب ناقلها


تقبل تحياتي أخوك

نايف الرشيدي

[سعد الفلاح]

يعطيك العافيه أخوي أبوبيان وصح أللسنت الشعار وتسلم يمينك

[ابوصالح]

مشكور يابو بيان الله يبيض وجهك

شكراً لك اخي الكريم

[سعد الشقل]

يعطيكـ العافيه يا ابو بيان

على المحاوره الرائعه بين الرياحي وابن شايق

[ابو بيان]

السلام عليكم رحمة الله وبركاتة
اشكر الجميع على المرور وبشرو بالمزيد من المحاورات الرائعة في المنتدى الرائع
وتقبلو تحياتي وبالتوفيق

[(فارس الرشيدي)]

محاوره لها طابعها الخاص محاورة شعراء كبار مشكور يابوبيان على النقل الله يسلمك

[عبدالعزيز الخياري]

مشكور يابوبيان الله يعطيك العافيه على اختيارك الرائع