[سعود ذيران]

بامرك يهب الريح ووماي الهبايب با الجريد=وخفاف شعري مع هجوسي بامر فعلك تبتدي
الاوله يا الله عسى حظي مع العالم سعيد=وتشد ظهري في احزامي لنشامى واجهدي
وثانيه قد اتحدي با المزاحم والقصيد=يحضر قصيدي صوب شيخا في لزومه نحتدي
لبيه يا براهيم ابن عوده وانا راسي عنيد=شيخا مكانك في قلوب الناس وبراس لجدي
المدح في مثلك يشرفني ولك فعل ورصيد=كسبتها يوم المناي سوقها سيف اجردي
انت الكريم انت الامير الي على فعله شهيد=الله يشهد والخلايق في افعولك تشهدي
دون العوازم ماذخرت الشعر لليوم الوحيد=باسم ابو وايل عزوتي يوم الشدايد مسندي
انته من الصقور الحرار الي مغالبها تصيد =عنها الحباري في صحاصيح السما ما تشردي
مقدام ربعي في لوازمها تفيد وتستفيد=انته حصان المرجله وراي عندك يوجدي
من قبل عسكر تاخذون اثار بااليوم الوحيد=يومنها تصدر من الجم الغزير وتاردي
الكم ذرى والكم ثرى والكم على العليا عضيد=انتم سلايل عبس مزبان الدخيل المحتدي
لثارت الهيجا سلاحك من رصاص ومن حديد=صميدعي وقت الملاقى كل خصمن يهجدي
تشوش للعليا وتاخذها على احسن ماتريد=تاريخكم يبقى على دور السنين امجدي
والناس تدري با الحقايق من قريب ومن بعيد=ما ذمها با افعالها والخير فيها يوجدي
استبشرت بيض النوايا الطيبه علما اكيد=لفراحكم والفال طيب واليالي تسعدي
غنيت زينات المثايل صوب معنها الفريد= اسبحبها غب البحور الي مداها جرهدي
عسى السحاب الي من ابحوره يجي برق ورعيد=على جميع اديارنا في كل ليله يرعدي
يسقي وطنا عن سموم القيض ودهر الجليد=وعشب الخزمى وانفل ينبت عمود ويصعدي
بحضوركم يا اهل الوفا كل اليالي يوم عيد=وختامها اصلي على محمد رسولي وهتدي
عشرين بيت الي كتبت وكل مانكتب تزيد=وانا قصيدي لعتزى يرد على البح المدي

الموضوع الأصلي: دون العوازم ماذخرت الشعر لليوم الوحيد | | الكاتب: سعود ذيران | | المصدر: شبكة بني عبس

[ابوتوتو]

الله الله
صح لساانك
ويستاهل الممدوح

[عميان]

شيخا مكانك في قلوب الناس وبراس لجدي
صح لسانك ياسعود وقصيده طيبه