[ابو بيان]

هذة محاورة جرت بين الشاعرين نواف العازمي وملفي المورقي
في راس تنورة بالمملكة العربية الشعودية بمنطقة الشرقية..

نواف العازمي

ياسلام الله سلامن مثل نور الشمس بادي,, في محل العزوة الي نارهم بالحيل حية

الوعد يالمورقي بكرة ليا نادى المنادي,و كان منته في عفيف القاك عند اهل الحوية

المورقي

مرحبا ترحيبتن مسكانها داخل فؤادي ,, مير اترجمها واهندسها واقدمها هدية

الوعد ياصاحبي وان سيل الله كل وادي,, غير هذا لاتقول ولاتلد العين بية

نواف العازمي

ياعسى فيكم البقى يالشاعر الي منت عادي,, مطلعك من راس تنورة على نجد العذية

انت مدري مع فريق النصر ولا الاتحادي,,ودي اعرف قبل ندخل في تفاصيل القضية

المورقي

السوالف كلبوها طيبة والجو هادي,, قض وقتك بارك الله فيك في روحه وجية

الخبر يابن الحلال اكبر من اخبار النوادي,, صارت الدعوة على خيطان مدري السالمية

نواف العازمي

المطية فوقها راع المطية والشدادي,, وانشد الراعي عن اشداد المطية والمطية

نسمع اخبار الروادي كلبوها غير رادي,, ذاك لوانة يجيب اخبار زودها شوية

المورقي

من غزاة الذيب الاشهب لايصيح ولاينادي,, يحتزم بالسيف ابو حدين من دون الرعية

تدري ان الداب مايهتم من سرب الجرادي ,, يتحرف ويتخير راس ذيك وراس ذية

نواف العازمي

ياحليل الي يحسبنة يصيد ولا يصادي,, لي بكرة تنكبة الايام نكبة عالمية

كان رحت اتابع الغلطات والعلم الوكادي,, يمكن الايام تغدر فيك وتصير الضحية

المورقي

ان نفضنا البارق المنشور واعلنا الجهادي,,دون علمن نقصدة مانخلف النية بنية

الحرايب لاتحسبها خراب بطول وادي,, مايلد القوم غير سلاح وعزومن قوية

وســـلأمــتـكــم

الموضوع الأصلي: محاورة الشاعر نواف العازمي والشاعر ملفي المورقي | | الكاتب: ابو بيان | | المصدر: شبكة بني عبس

[سعد الشقل]

بيض الله وجهك يا ابو بيان

على هالمحاوره الرائعه بين الشاعرين القديرين نواف العازمي وملفي المورقي

ونتمنىى منكـ المزيد من المحاورات الرائعه كما عودتنا بالسابق :eek:

[ابوصالح]

شكراً لك اخي الكريم

[راشد الخلاوي2]

شكرايابوبيان علىنقل المحاره بين نواف العازمي وملفي المورقي
راشد الخلاوي2

[ابو براك الرياض]

الله يعطيك العافيه