[بنك الشعر]

طارووق ابداع×ابداع
الشاعر القادم حجاج الرشيدي
الشاعر احمد العنزي


حجاج الرشيدي
يامرحبا حيالله الضيفان من شيب وشباب=ترحيبتٍ يصدح صداها في ديار المجمعه
الليله الميدان رجمٍ عاويه فيه الذياب=والصيده اللي يعترضها الذيب تصبح مطمعه

احمد العنزي
دام البقا والله يبارك في عزيزين الجناب=وانته ترحب والكلام الزين كلٍ يسمعه
عطنا علومك كلها مال السؤال الا الجواب=والسبع ياحجاج يقرب من جبال المسبعه


حجاج الرشيدي
اليا احتما الميقاف ياحمد لاتقول القاف شاب=العب على وضح النقا واخذ السوالف من سعه
الجوع يهتف للضما والسيف له حد ونصاب=والشاعر اللي مثل ابن عمار ماضاع سنعه


احمد العنزي
الادمي يسعى مع البيدا على عوج الرقاب=لاكن مايقدر يسنع شي مالله سنعه
الفال طاب وكل شي ياحمر العينين طاب=والوصل مابين النشاما لاتحاول تقطعه


حجاج الرشيدي
لو قلت لي في هالزمن ياكثر من ودى وجاب=قلت لك ماهي كل بذره تنحصد بالمزرعه
وصلي مع اهل المعرفه يشبه لهمال السحاب=بعض العلوم الله يثيبك ماوراها منفعه


احمد العنزي
انا ادري انك من هل الطاله مطوعت الصعاب=والحر ياحجاج مخلابه شطير ويشبعه
احدٍ على درب الخطا واحدٍ على درب الصواب=والادمي كنز القناعه لو حصل مايقنعه

حجاج الرشيدي
انا ادري ان فعلي بحر ماهو مثل ضوح السراب=جتك الحقايق من فمي وانت اسمع العلم اسمعه
الواحد اللي بالقسا يضرب بسوطٍ من عذاب=عزالله ان ضعيف الحيلات مايمشي معه


احمد العنزي
راضي يقول اللقمه اللي بين ضرس وبين ناب=الجايع اللي بالصحاري يجتلد ماتشبعه
اسمك على الحجاج ياحجاج واذهن لاتهاب=ادخل بميدان المعارك خل عنك الزوبعه

حجاج الرشيدي
راضي نعرفه باللقا مانجهله يبو الشباب=انا اشهدنه لاوقف صفق الهوى مازعزعه

الموضوع الأصلي: حـجاج الرشيدي×احمد العنزي | | الكاتب: بنك الشعر | | المصدر: شبكة بني عبس

[سوار الـذهب]

محاور ة جميله اقيمت في محافظة المجمعه حضرتها واعجبت في

الشاعر حجاج شاعر ذكي ومبدع ولكن بشرط ان تدعمه قبيلته لكي يبرز


راضي نعرفه باللقا مانجهله يابو الشباب -- انا اشهد انه لاوقف صفق الهواء مازعزعه

(راضي شاعر كبير ظلم نفسه )

[بيطار الشعر]

صح اللسان الشاعر حجاج وصح اللسان الشاعر احمد العنزي

ولاهنت يابنك الشعر على النقل

[حمد البارقي]

صح لسان حجاج شاعر مبدع وعسى الله يوفقه

ويفكه من بعض الوجيه القشر اللي تسد الرزق

[ناصر المظيبري]

صح السان الشاعرين حجاج واحمد
حجاج شاعر مبدع يشد الانتباه
والله يوفقه