[الشاطئ المهجور]

وهذي علومي ..

مامن جديد .. الا العتب والمشاريه
...........................هذي علومي .. يامدوّر علومي
بحر الغرام : أوّدعك عند شاطيه
...........................وأستسمحك .. يانور ليلي ويومي
يوم إن حبك ماش لي قسمة ٍ فيه
...........................نهيت قلبي عنه , وأبعدت حومي
يمرني صوتك .. وأنا أقول لبيه
...........................حييت .. ياصوت ٍ تبدد همومي !
لكن مدريْ اللي حصل ويش أسميه ’
...........................وحتى سلومك , ما توافق سلومي
طال الطريق : ومتّ ما جيت تاليه
...........................وثقلت خطى رجلي , وكلّت عزومي
لابد ما أنسى الود وأنسى لياليه
...........................ويانفس عن شي ٍ تعدّاك : شومي
وإن مرّت الذكرى بـ/ جرحي وغاليه
...........................حرام , عيني ما تهنّى بـ/ نومي
أبتركك .. وأقفي بـ, قلبي وأعزيه
...........................لو غيبتك.. تغيب معها نجومي
ما كن ضاقت بي .. فجوج وتهاتيه
...........................وأنا الحقيقه : ضايقة بي هدومي !

..............مما راق لي ..

الموضوع الأصلي: هذي علومي .. يامدوّر علومي | | الكاتب: الشاطئ المهجور | | المصدر: شبكة بني عبس

[نواف بن مفضي]

مامن جديد .. الا العتب والمشاريه
سلمت يمينك ي الشا طي

[الشاطئ المهجور]

اشكرك على المرور العذب تحيتي لك