[ملفي العجرمي]

هذه القصيدة إهداء إلى بني عمي سلايل جدي عبس جمرة العرب

يا قلب لا تهتم باللي يهرجون=أصحاب غث الهرج همزٍ ولمزات
أصحاب غث الهرج باللي يسوون=أما حسد وألا مثيرة نعارات
اللي له الأشياء وغيره يولون=هذا الحسود وبشره بالقماحات
يا قلب غير الهرج ما حصلوا لون=وهرج القفا يجلب لراعيه الآفات
غير الردى من هرجهم ما يطولون=عند الرجال أهل العقول الفهيمات
احذر تجاريهم على ما يجيبون=خيرٍ من مجاراهم اقفاي واسكات
تكسب رضا اللي ببلج الحق يدرون=وأهل السفاهه خلهم فالسفاهات
سكر سموعك عن كلامٍ يقولون=وأرفع مقامك في جبال السروات
خلك بعيطا العز لا تقرب الهون=خل الطمان لمن يحب الطمانات
ولا بدهم من نومة الظلم يصحون=وإن ما صحوا يلقونها في الحسابات
يلقون ما سووه لما يموتون=محصيه خلاق البشر فالسجلات
أسند فعايلهم على خالق الكون=ربٍ تعالى فوق سبع السماوات
اللي نصر موسى على قوم فرعون=يوم الطغى عمر بقلبه عمرات
خيّل له إن الناس حدره يدوجون=وإنه كبير وله على الخلق قدرات
وأذله اللي له عباده يصلون=هازم جحافلة الطغى والضلالات
يا قلبي أصبر واطلب من الله العون=بالصبر يبنى لك صروحٍ منيفات
ربعك تحملهم ولو كان يخطون=قابل خطاهم باعفو والسماحات
البطن لا جاء فيه قرحة وقولون=معاد ينفع فيه طب العلاجات
أخذ النصيحة من رجالٍ يعرفون=حل الأمور المبهمات الصعيبات
وخلك مع اللي للمعالي يرومون=اللي لهم بالطيب روحه وجيات
رافق رجالٍ بالمعزة يسيرون=ورثٍ لأهلهم من سنينٍ قديمات
ماهمب لأعراض الأوادم يحشون=ولا يزرعون البغض بين القرابات
يبنون أواصر للصلة ما يهدمون=ولا عندهم بين القرابة حزازات
وأنته سليل اللي على الضد يسطون=من روس قومٍ ينطحون المهمات
من راس صبح إن كان قاموا يعدون=وجاء للنسب عند العوارف مجالات
من مارثة شيخٍ على العز يمشون=عجارمة من عجرمة طيب الذات
عجارمة يوم اللقاء ما يهابون=هني من هم فزعته في الملمات
يوم إن خطوى اللاش للذل مرهون=سطر لهم في قمة المجد صفحات
من لابةٍ في ساعة الضيق يردون=على حياض الموت ورد المحيمات
اللي نهار مصادم الجيش يثنون=في ساعةٍ فيها تضيع البصارات
يردون ساحات الوغى ما يذلون=يشهد لهم تاريخهم بالبطولات
يوم القبائل بين طاعن ومطعون=عدوهم يسقونه المر كاسات
بني رشيد مطوعة كل مجنون=اللي براسه من جنونه سطارات
يسقونه السم السقطري بماعون=ماعون شرٍ فيه غصة ونكبات
عقب الطمع يرجع بحسرات وغبون=ينفض يدينه من كبار المطمات
من ضرب شجعانٍ بعبس يتناخون=سطواتهم تركي على الكبد كيّات
هذا جزاء للي علينا يثارون=ولا خير في هرجٍ يجي ما له إثبات
واللي يهضم حقوق الأجواد ملعون=من لا يعد الحق يقمح ليا مات
كل القبائل فالمواجيب يوفون=أدخل على الله منهم عن المذمات
واليوم حنا وسط خيرات وسكون=معاد فيه صياح وجموع غارات
الكل ربّع في برادات وغصون=خضرٍ تمايل بالأمن والملذات
وشاخ الثعل والبوم واللي بعد دون=كبرت علابيهم وصاروا باشاوات
من فضل من حطوا لنا الشرع قانون=في ظلهم كل اللحى عنتريات
الله يعز الدين واللي يحكمون=آل السعود أهل الكرم والمروات
وختامها يا اللي بقولي توحون=صلوا على المبعوث بالدين رحمات

شعر / ملفي بن زايد بن صبح العجرمي الرشيدي

الموضوع الأصلي: بني رشيد مطوعـــة كل مجنون | | الكاتب: ملفي العجرمي | | المصدر: شبكة بني عبس

[مقبول القادم]

يا قلبي أصبر واطلـب مـن الله العـون
بالصـبـر يبـنـى لــك صــروحٍ منيـفـات

ربـعـك تحملـهـم ولــو كــان يخـطـون
قابـل خطـاهـم باعـفـو والسمـاحـات

البطـن لا جـاء فـيـه قـرحـة وقـولـون
مـعـاد ينـفـع فـيـه طـــب الـعـلاجـات

أخـذ النصيـحـة مــن رجــالٍ يعـرفـون
حــل الأمــور المبهـمـات الصعـيـبـات

وخلـك مـع اللـي للمعـالـي يـرومـون
اللـي لـهـم بالطـيـب روحــه وجـيـات

رافـــق رجـــالٍ بالـمـعـزة يـسـيــرون
ورثٍ لأهلـهـم مــن سنـيـنٍ قديـمـات

ماهـمـب لأعــراض الأوادم يحـشـون
ولا يـزرعـون البـغـض بـيـن القـرابـات

يبـنـون أواصــر للصـلـة مــا يهـدمـون
ولا عنـدهـم بـيـن الـقـرابـة حـــزازات

وأنته سليل اللي على الضد يسطون
مـن روس قـومٍ ينطـحـون المهـمـات

من راس صبح إن كـان قامـوا يعـدون
وجـاء للنسـب عنـد العـوارف مجـالات

من مارثة شيـخٍ علـى العـز يمشـون
عجارمـة مـن عجرمـة طـيـب الــذات

عجـارمـة يــوم الـلـقـاء مـــا يـهـابـون
هني من هـم فزعتـه فـي الملمـات

يوم إن خطوى الـلاش للـذل مرهـون
سطر لهم في قمـة المجـد صفحـات

من لابةٍ فـي ساعـة الضيـق يـردون
علـى حيـاض المـوت ورد المحيمـات

اللـي نهـار مـصـادم الجـيـش يثـنـون
فـي ساعـةٍ فيـهـا تضـيـع البـصـارات

يـردون ساحـات الـوغـى مــا يـذلـون
يشـهـد لـهــم تاريـخـهـم بالـبـطـولات

يـوم القبائـل بـيـن طـاعـن ومطـعـون
عـدوهـم يسـقـونـه الـمــر كـاســات

بنـي رشـيـد مطـوعـة كــل مجـنـون
اللـي براسـه مـن جنونـه سـطـارات

يسقونـه السـم السقطـري بماعـون
مـاعـون شــرٍ فـيـه غـصـة ونـكـبـات

عقب الطمع يرجـع بحسـرات وغبـون
ينفـض يديـنـه مــن كـبـار المطـمـات

مـن ضـرب شجعـانٍ بعبـس يتناخـون
سطواتهـم تركـي علـى الكبـد كيّـات

هـــذا جـــزاء لـلــي علـيـنـا يــثــارون
ولا خير في هرجٍ يجـي مـا لـه إثبـات

واللي يهضم حقـوق الأجـواد ملعـون
مـن لا يعـد الـحـق يقـمـح لـيـا مــات

كــل القـبـائـل فالمـواجـيـب يـوفــون
أدخل على الله منهـم عـن المذمـات

واليـوم حنـا وسـط خيـرات وسـكـون
مـعـاد فـيـه صـيـاح وجـمـوع غــارات




<<<<صح الله لسانكـ ونعم فيك ..قصيدة للامانه عبجتني جدا
متسلسله بحداثها الواقعيه كفيت ووفيت