[متعب الشعباني]

بسم الله الرحمن الرحيم

السلام عليكم ورحمة الله وبركاته

اسعد الله اوقاتكم بكل خير وسعادة ..

احببت ان اشارككم بمشاركة من نوع آخر

نمط هذه المشاركة ( مجاراة ) ..

لشاعروشيخ كبير وقدير وشاعر له صولات وجولات بمجال الشعر وشاعر غني عن التعريف ..

الشيخ / الشاعر القدير .. ( حجاب بن نحيت )

بقصيدته الرائعه والاكثر من رائعه ..

هذه قصيدة الشاعر الكبير ( حجاب بن نحيت ) اسمهـا (الدكتورة )

أنا مريض الهوى و احتـاج دكتـورة.......دكـتــورةٍ مـــا تغـيـرنـي و اغـيـرهـا
قـالوا بأرض الحجاز وقلـت مذكورة.......مذكـورةٍ لـي و انـا قــررت ادورهــا
اللي بقت في طوال العمـر مستـورة.......مـا احـدٍ تكلـم بماضيهـا و حاضرهـا
تلبـس عبايـة علـى بلـوزة و تـنـورة.......متحشّمة من شعرهـا ليـن اظافرهـا
ماهـيـب متكـبـرة ماهـيـب مـغـرورة.......أمـيـرةٍ مـــا تـحــب الـلــي يـومّـرهـا
الله على صورةٍ من صاحب الصورة.......تبقى معـي دايـم اطلّعهـا و اناظرهـا

ومجاراتي لهذه القصيدة اتمنى ان لا تنقصها حقها او تقلل من وزنها وجمالها ..

واطرح بين ايديكم هذه الابيات المتواضعــة ..

(يبن نحيت) البـلا كـله من الصـوره **** يقولها مـن بوسـط المـخ حافرهـــا
اللي لهـا في ضـلوع الصدر مقصوره **** اللي تـسـر بحـلاهـا مـن ينـاظرهـــا
مكـنـها الا بوسـط العـين مـنثـوره **** حتى بمــنامـي تـزاورنــي وازاورهــاا
هي طب قلبي وهـي بالحـب مغمـوره **** من دون شوفي مكسر دوم خاطرها
يا حجاب قفت ّ وهي بالوضع مجبوره **** قفت وانا اللي بنفس الوقت عاذرها
مـاهـي بأرض الـحـجـاز بـراس تـنوره **** الديـره اللـي تـعـّـلـك فـي منـاظـرها

وســـــلامــتــــكم ..

اخــوكــم / متـعـب الشعبـاني

الموضوع الأصلي: مجاراه لقصيدة الشيخ والشاعر حجاب بن نحيت | | الكاتب: متعب الشعباني | | المصدر: شبكة بني عبس

[المشعل]

مجاراه أكثر من رائعه
صح السان ابن نحيت
وصح السانك متعب
ابدعت
ولاتحرمنا جديدك
لاهنت ..

[ابن شلال]

الله الله صح لسانك مجاراه رائعه

[خالدالقصاني]

مجاراه أكثر من رائعه
صح السان ابن نحيت
وصح السانك متعب
ابدعت
ولاتحرمنا جديدك
لاهنت ..

[ابوتوتو]

صح لسان يالشعباني
مجارة من الوزن الثقيل
والله مانت بسيط حتى ابن نحيت وش جاك عليه ههه

مشكووووور شاعر جزل ومتمكن

[ابن اخزيم]

مـاهـي بأرض الـحـجـاز بـراس تـنوره **** الديـره اللـي تـعـّـلـك فـي منـاظـرها

صح لسانك ابيات في قمه الجمال ولا تقل عن ابيات بن نحيت نهائا

[ابو عايض]

مجاراه أكثر من رائعه
صح السان ابن نحيت
وصح السانك متعب
ابدعت

[بروفسور الشعر]

صح الله السانك قصيده جزله لاهنت