[يوسف محمد.]

قصيده للشاعر مصلح دغمي الرشيدي

رايكم ياعبس

الشمس باكر تطلع الصبح وتغيب
وتبين للعالم جميع الحقايق
واللي يحاول خذلتي قلت بيخيب
راسي رفيع ولاتفيد النقايق
في قدرة اللي يندب الرزق ويجيب
ربن على هالكون كله توايق
مااقول انا الفارس ولاقول انا الذيب
بالله حطيت الامل والوثايق
حرن وابرقى فوق روس المرقيب
برقابها بالثانيه والدقايق
والدرب بمشيبه ولا وهو سراديب
واقول ياربي تفك الغلايق
ياواحدن في قوتك مابه صعيب
ابستعينك مااستعين الخلايق
عني على ماينشرون الاكاذيب
عن شاعرن بالقاف مابه عوايق
شاعر وارتب بيت الاشعار ترتيب
وببحورها بسبح بكل الطرايق
لعيونكم ياعيال زايد هل الطيب
ياشيوخ لاجا ضيفها ماتضايق
مثل المطر بنثر لكم يالمعازيب
بنثر قصيدن مابوسطه علايق
امن الفكر صافي ولا به غثاريب
ابنثره من فكر واحساس رايق
واخلي الواشي يشوف التعاجيب
واموته في حسرته والحرايق
وابدب اللي جاهل القدر تاديل
ابدبه ماني على الصبر طايق
من شان يبعد عن طريق الاشانيب
اللي على الطولات دايم سبايق

الموضوع الأصلي: قصيده للشاعر مصلح دغمي الرشيدي | | الكاتب: يوسف محمد. | | المصدر: شبكة بني عبس