[أبونواف]

ياللي جـرحت القلب بيدك وأنا أشوف=-حــــرام قــلـبــك لـيـه مــا بـه مـرافـه
أرحـم جـريـحـن طـاح وبـحـالته روف=اللي حــيــاتـه لــجـل فـرقـاك عـافـه
تـركـتـنـي في ضلمة الخوف مكسوف=وألـبـسـتـني ثوب الشـقى والكسافه
يابـو جـديـل فـوق الأمـتـان مـنـسـوف=تـلـحـق عـلى رووس الشطـايا ضفـافه
وعــيـون ســود وخـد ونـهـود وردوف=وإذا أبـتـسـم تـجـذب عـيـوني رهـافه
وجسمن حسين الطول والخصر منحوف=عـلـيـه مـن تـفـصـيــخ ثـوبــه كــلافـة
أدعـج غـنـج بالمـلـح والـزين موصوف=مـن يـنـهـبـه يـمـلك عـذرن لـخـتـطـافه
واوجـد حـالي وجـد مـن جيـب مكـتوف=وحـطـوه في سجـنـه وشـدو كـتـافـه
مـطـلوب دم وبـلـحـظـة الجـرم مـشيوف=وأخـو الـقـتـيـل اللي لـه الـثـار شـافه
ومـن جـيـب لـلتـحقيـق بادوه بكـفـوف=وسجـل في تقـرير السجـون أعترافـه
عـليـك يـاللي لـجـلـك الـدمـع مـذروف=دمـعـي عـلى فــرقـاك زاد أنـذرافـه
يانوف بسمك صرت ألبي وأنا أطوف=وكـلـن يـلـبـي لـلـولـي في طــوافـه
هـم يـرتـجـون الله وأنا أرجيك يانوف=أرجـيـك أنـا رغـم أبـتـعـاد المسافه
وإن مارجعتي لي فنا أمـوت يانوف=ولا عـلى دنـيـاي بـعـدك حـســافـه

من روائع الشاعر منصور بن سعدي

الموضوع الأصلي: ((((يانوف)))) | | الكاتب: أبونواف | | المصدر: شبكة بني عبس

[النجم]

صــــــــــــــــــــــــــــــــــح

اللســــــــــــــــــــــــــــــــــان

الشــــــــــــــــــــــــــــاعر

وشكرا على النقل

[أبونواف]

مشكور اخوي / النجم

[صاطي الرشيدي]

قصيدة جزلة وحزينة ومميزة صح للسان ابن سعدي وبارك الله فيك يابو نواف

[فواز الدواي]

قصيده احفظها من زمان من جمالها

ولكن خرب عليها هالبيتين
يانوف بسمك صرت ألبي وأنا أطـوف
وكلـن يلبـي للولـي فـي طـوافـه
هم يرتجون الله وأنا أرجيـك يانـوف
أرجيـك أنـا رغـم أبتعـاد المسافـه


لو تجنبها الشاعر سامحه الله

لك تحياتي على التميز

[أبونواف]

مشكورين على المتابعه