[ابومحمد الظفيري]

السلام عليكم ورحمة الله وبركاته

قصيده قديمه لي لشخص رشيدي فيه من الفزعه الشيئ الكثير وهو مسؤولي بالعمل شاءالله ان يبتعدن عني بناتي الثلاث ويسكنن ديره اخرى لظروف ما يعلمبه الا الله وكنت محتاج اجازه لترميم الموقف وكتبت هذه الابيات وانا اعتبرها من اروع ما كتبت وشرارت القصيده شافني متكدر بالمسجد وامني اني اخبره عن سبب ضيقتي ...

قال الـذي لجــت الافكـار فـي راسـه \\\ من ضيق صدره تنخـا يالله الخيـره

كتبت قافـن حشـا النقصان مـا داسـه \\\ والكذب مي عادتي اتبـع تباشيره

اشكي ابنظـم القصـايد حالـي وباسه \\\ عسا القصايد اتهدينـي معـاذيره

وخصيــت ذيبن العيني زان نبــراسـه \\\ في سوق الاجواد يا مكثر فواتيره

يرفا الخوي عن كلامن يجرح احساسه \\\يشري غلا الجود لو زادت مخاسيره

احمد حسين الرشيدي نعم في ساسه\\\من جاه قومن تعز الطيب وتجيره

رشـايـده مـن تصـون الـدرع ولبـاســه \\\ بين القبـايل لـها بالفعل تسطيـره

الطيـب منهـم تعلم كيـف مـدراسـه \\\ بشرواه ومن الف مثله والف من غيره

هذي شهادت ظفيري تبصم اخماسه \\\ مجربن فعلهـم بصعـب معابيـره

سلام يا حاشـم المسجـد وجلاسـه \\\ يا موقد الطيب ابطيبن زاد تنويره

ياخـوك جتك القصيـده باخر انفـاسه \\\ ابيـك تـدري ابضيق الحال وتشيره

ولا جيت اهز المصالح فوق مرواسه \\\ الله يعـلم ابقصدي ويـن تبـصيـره

كم مرت(ن) في ظـلام اليل ودمـاسه \\\ اتبع حلومن عجزت افهم تفاسيره

لـي نجمة(ن) روحت بالكون غطاسـه \\\ منها التلسكـوب عزتني تصـاويره

ولي علتن وسط صدري تفرس افراسه \\\ والنفس والله فلا هادت تفاكيره

القلب لــو يكشـف الدكتـور هوجـاسـه \\\ والله اليومي ابراسـه مـن تقاريره

وبعض الخلايق اشوفه صارت اخساسه \\\ كلن ورا العين امحزملي مناشيره

طولـت بالي معـاهـم لين مـا حـاسـه \\\ اتلا المـواقـف تزاحمبـي طوابيـره

ومن يوم شفت الذيابه صاروا ابساسه \\\ عزيت بيت الكرم من خايب الجيره

كان الطمع يغني المحروم من ياسه \\\ عـزالله اني ضـحـيـه خمتـه حيـره

ماني غشيمن عن الغرات وعماسه \\\ بس للحيا في حياتي حكمن وسيره

ويالفعم وشلون قلبي تفزع اوناسه \\\ ونـا ابديـره وبنـاتي صـارن ابـديـره

وسلامتكم ...

الرجال ماقصر اعتبرني اخوه يما تفرجت الله يفرجها على كل اجودي

الموضوع الأصلي: ونعم الفزعه يالرشيدي | | الكاتب: ابومحمد الظفيري | | المصدر: شبكة بني عبس

[برق الشمال]

أبيات قمة مُعبرة
صح لسانك يالظفيري لاهنت
ويستاهل الرشيدي راعي الفزعة.

[ابومحمد الظفيري]

برق الشمال صح الله بدنك

[ابومحمد الظفيري]

صح الله بدنك اخوي راس ابو مشعاب

[ساري الغدرا]

كان الطمع يغني المحروم من ياسه \\\ عـزالله اني ضـحـيـه خمتـه حيـره

لله درك من شاعر


صح لسانك يالظفيري
وماهو كثير من عيال عبس الفزعه والطيب
وبيض الله وجهه وبيض الله وجهك على هالقصيدة الجزلة
وحياك الله بين اخوانك

[الوآآفي]

ابومحمد
صح لسانكـ لاهنت
و راعي الفزعهـ يستاهل

[مرتاحه دومز]

صح لسانك يالظفيري
وهذه عوايد عيال عبس
يعطيك العاافيه.....

[عم الشعراء]

صح لسانك
وتستاهل