[النمر1012]

[gdwl]
[frame="1 90"]
من لبّس عيونه ظلام المدينه؟
وهو الفضول بنظرته مالها أبعاد

يغوص بأوراق السنين الحزينه
وميعاد يولد كل مامات ميعاد

بعثر على درب الاماني سنينه
تضحك عليه بلاد ويلوذ ببلاد

ليا ظمت ذكراه ..يمطر حنينه
وتغرق ملامحهم ولاينقص عناد

وين الامل..وين السعادة ووينه؟
يقوده الوقت الرمادي وينقاد

تلطخت في دم شعره يدينه
وصار الزمن شاهد وقاضي وجلاّد

قابل بشين العمر من دون زينه
وهو الذي في ماضي الوقت زهّاد

اعشوشب ظلال المدينه بعينه
علمه بشمسه (تسع) والباقي مهاد

يلمس على الخلوه بقايا سنينه
ويدلي على بير الهواجيس ورّاد

تنسل من ضلوعه أغاني دفينه
تقرا بعيونه..شايبٍ يندب أمجاد

يحق النظر يرفع بعزّه جبينه
ويشوف بكره مثقلاله بميلاد

ترجع لوجهه ..طلته ياسمينه
وترقص على صدره مشاهير وأجياد

يفتح عيونه ماتحدّه مدينه
يرسم من الاول لنظراته..أبعاد
[/gdwl][/frame]

الموضوع الأصلي: بعثر على درب الاماني سنينه تضحك عليه بلاد ويلوذ ببلاد | | الكاتب: النمر1012 | | المصدر: شبكة بني عبس

[راسبه بالحب]

صح السانك


لاهنت ع الابيات ..

[النمر1012]

صح بدنكم والله يسلمكم ومشكورين على المرور

[أحاسيس]

صح السانك


لاهنت ع الابيات ..

[سحايب]

وين الامل..وين السعادة ووينه؟
يقوده الوقت الرمادي وينقاد

صح الســان سليمان المانع
وصح ذوقك وبوحك لاهنت

[النمر1012]

صح بدنكم والله وعافيكم ومشكورين على المرور

[عايد2001]

صح السان شاعرها
ولاهنت ياالنمر

[الجمره البارده]

قصيدة حلوه


شكرااا