[بندرأبن طريف المظيبري]

ياليتنـي ماجيـت حـي النسيـمـي
ولاجيت لي سوق ن يسمونه احجـاب
من عقب ماشاهدت به خشف ريمـي
بنات بـدو ن يسلبـن اهـل الالبـاب
ماذمهـن فـي لبسهـن الحشيـمـي
بس البراقع تظهـر عيـون واهـداب
ماحطـن المكـيـاج ولا المشيـمـي
شكل ن طبيعي صنعة الـرب جـذاب
شفـت الرشاقـه والاناقـه صميمـي
مشي ن رزين ولامعـه دقـة اكعـاب
والصوت ناعم فـي صفاتـه عديمـي
فيهن حيا الخدرات تلعـات الارقـاب
من حـرب والا مطيـر والا تميمـي
والا من عتيبـه عريبيـن الانسـاب
قبايـل ن فـي نجـد دايـم تقيـمـي
تاريخها يذكر ويحسـب لـه احسـاب
جيته على عجلـه ووضعـي سليمـي
مسلم تقي واخاف مـن رب الاربـاب
امشي على وضـح النقـا مستقيمـي
حريص سمعـه فالقريبيـن واجنـاب
اقولهـا صـادق ورب ن عظيـمـي
ماجيـت للترقـيـم وادور اعـجـاب
مريـت ادور لـي تـراث ن قديمـي
شي ن ذكر فالسوق ماعنـه مجنـاب
لكن صـار اللـي حصـل يانديمـي
والحال عقب اللي حصل صار منصاب
صدمة مشاعر مثل وصف الجحيمـي
يالله دخيلك من بلا بعـض الاسبـاب
توبه ماعـاد امـر سـوق الحريمـي
احجاب والا غيـره بديـرة اعـراب
اكسب ذنوب وفتنـه مـن الرجيمـي
ابليس شيطـان البشـر يفتـح البـاب

الموضوع الأصلي: ♣♫☼ بنات بدو ♣♫☼ | | الكاتب: بندرأبن طريف المظيبري | | المصدر: شبكة بني عبس

[جفاا]

^^
<< ودهآ تضحكـ هع
حححلوهـ حححيل
يسسسسلم ذوقكـ خخخيو :)

[بندرأبن طريف المظيبري]

اقتباس من مشاركة جود المطيري ^^

اقتباس من مشاركة جود المطيري << ودهآ تضحكـ هع حححلوهـ حححيل يسسسسلم ذوقكـ خخخيو :)

دوم الضحكة يارب
وتدوم لكم الصحة والعافية أشكرك على المشاركة
الله يسلمك من كل عثرة
حيل بعجاب