[شاعر الصعاليك]

السلام عليكم ورحمة الله وبركاته

ما تشوف شر يابو تركي ، وان شاء الله تقوم بالسلامه
وانت رجل خدمة الشعر بطيب نفس وسعة بال
وحق علينا جميعا ان نشكرك على مجهودك
ونطالب الادارة والجميع بتكريمك بطريقة
مناسبه وتشريفك باعلى الاوسمة فالمواقع العنكبوتيه

ويقول المثل كل طيبة على قد مدة
وانا صعلوك ما عندي الا الشعر ، وهذي هديه
ما هي زي هدايا المعزب هههههههههههه

ابهديك بيت شعر ياعمي ، وهالبيت تراه لك
وبسمك ما هو لي ، واتمنى انك تقبله
(الطيب سويناه من بال مسرور = يا مرضي العالم عليك الملامه)

وهو شطر من هالقصيدة اللي اتمنى انها تعبر
لو بشي بسيط عما بداخلها .

سلامتك يا شيخ ناصر من الجور = والله يسهل لك طريق السلامه
اتعبت خيلك في حجى كل منعور = وحطيت الك بصمه عليها علامه
(الطيب سويناه من بال مسرور = يا مرضي العالم عليك الملامه)
وانا يا بو تركي ابا اقول مشكور = من قلب صادق ما تغير كلامه
سجل لك التاريخ صفحات من نور = تبقي معك حتى تقوم القيامه
وهناك تاخذ حق والكل مقهور = وكل ٍ نصيبه حاضر ٍ له أمامه
واللي سعى بين الرياجيل بالزور= ما هو مثل من ردها بابتسامه
احد ٍ يجازا جنة الخلد والحور = واحد ٍ عقابه نار تاكل عظامه

الموضوع الأصلي: هديه غير عن كل الهدايا ..!! لعمي العمده | | الكاتب: شاعر الصعاليك | | المصدر: شبكة بني عبس

[صاعوق]

الللله واكبر ابيات اكثر من راائعه ويستااهل الممدووح

[العميل السري]

الصعلوك مشاء الله عليك وصح السانك واعتلا شانك
والله انك مثل الولد البار الله يكثر من مثالك

وعسى اللي عطا العود منك مايحرمنا ياخوياك واصحابك الاولين ...لاتنسانا

[ابن شلال]

صح لسان المادح ويستاهل الممدوح

[ابن اخزيم]

صح لسانك يالصعلوك

[شاعر الصعاليك]

اقتباس من مشاركة صاعوق الللله واكبر ابيات اكثر من راائعه ويستااهل الممدووح

تستاهل الطيب يا صاعوق
وابو تركي يستاهل كل خير

[شاعر الصعاليك]

اقتباس من مشاركة العميل السري الصعلوك مشاء الله عليك وصح السانك واعتلا شانك والله انك مثل الولد البار الله يكثر من مثالك وعسى اللي عطا العود منك مايحرمنا ياخوياك واصحابك الاولين ...لاتنسانا

صحت ابدانك يالعميل السري ويا مرحبا مليون
ويقول المثل من لا يشكر الناس لا يشكر الله
كيف تبني انساك وانت اول من ضمني للفريق
هههههههههههه

[شاعر الصعاليك]

اقتباس من مشاركة ابن شلال صح لسان المادح ويستاهل الممدوح

صحت ابدانك يابن شلال واسعدني مرروك الطيب