[أبونواف]

الشاعر

ماجيت منك وخاطري فيك يالشيـح= ماجيت منك الا وانا خالـصٍ منـك
طرت على قلبي طواري المراويـح= للديره اللي شوفها يعوضنـي عنـك

قال الشيح

الله اكبـر كـن مالـك مسـاريـح= بفياضنـا ذي جـرتـك ذا تفنـنـك
ماكـن مريتـو قنـوصٍ مصابيـح=من كثر صيدي عقب الامحال مسمنك

قال الشاعر

ودعت بـك ربـعٍ كـرامٍ مفاليـح= بعيونهـم عشـقٍ قديـم لمواطنـك
وانا دموعي مثل دمـع التماسيـح= ياموطني يالله عسى الخير يسكنـك

قال الشيح

يرزقني اللي منشي السحب والريـح = وبـلٍ يخلـي كـل روضٍ يجنـنـك
واللي قعدوا عندي عساهم مرابيـح = فقعٍ وصيدٍ وانت يالعجـل ماارعنـك

قال الشاعر

يالشيح دوك ايدي شهـبٍ مجاريـح= من قو بردك نشعلـك ثـم ندفنـك
ولالقيت ابك الدفـا وهبـة الريـح= كـم ليلـةٍ ازرت ظلوعـي تزبنـك

قال الشيح

مثلك يبي رمثٍ وبيـضٍ صحاصيـح= ياذا المسافـر تـو بينـت معدنـك
روح..وباكـر لالفيتـو مشافـيـح=والله لادسس كل ماتشتهـي عنـك

قال الشاعر

يالشيح ماقصدي ملل يوم انا اصيـح= يالشيح شوق لديرتي وانت ماازينـك
يطري علي( طيري)عقب وقفة الريـح=واهـل دمـعٍ لـو تحسـه يحزنـك
انا اتحضـن وهـم وافـز واطيـح=وانت السحاب وكل نجمـه تحضنـك

الموضوع الأصلي: ردية الشــيــح والشاعر | | الكاتب: أبونواف | | المصدر: شبكة بني عبس

[النجم]

مثلك يبي رمثٍ وبيـضٍ صحاصيـح ياذا المسافـر تـو بينـت معدنـك
روح..وباكـر لالفيتـو مشافـيـح والله لادسس كل ماتشتهـي عنـك

هههههههههههههههههههههههههههههههههههه

روح ياشيخ ربي يحفظك

[عبدالعزيز الخياري]

تسلم يا بو نواف على النقل وهذه ردية للشاعر والناقد المحبوب حمد السعيد بينه وبين الشيح

وعلى قولته فالك التوفيق وبيض الله وجهك

واسمحلي أعدت تنسيقها وغيرت العنوان من ((قصيدة الشيح)) إلى ((ردية الشيح والشاعر))

تقبل تحياتي

[مسندالعويمري]

تسلم يا بو نواف على النقل وهذه ردية للشاعر والناقد حمد السعيد بينه وبين الشيح

[عطاء الرشيدي]

تسلم يابو نووواف على هذا الرديه

[أبونواف]

اخوي عطاء الرشيدي

مرورك منور

[ابوباسم الذيابي]

تسلم يا بو نواف على النقل وهذه ردية للشاعر والناقد حمد السعيد بينه وبين الشيح

تحياتي

[رويبح رباح العويمري]

صح لسان شاعرها وسلمت يدناقلها