[المقبل]

فرحت لـك .. وأنـا معاليقـي حطـام

والصدر .. من مـا فيـه بيّـح كنينـه

فرحة يتيم ٍ .. ليلـة العيـد مـا نـام !

خـالاتـه , وخـوالـه .. مواعديـنـه

مواعدينـه بشـت .. وشمـاغ بـسّـام

ويلّعبونـه .. فـي ملاهـي المديـنـه

مانـام .. واحلامـه تـحّـراه قــدام

كنه يطـول أحلامـه ب( راحتينـه ) !

صبحه تجّلا نـوره ب/ عيـد الاسـلام

وقبـل يـروح المسـجـد : ملّبسيـنـه

جده مـا بيـن العيـن والجيـم والـلام

خلّيـه يافـلانـه .. ولا تأخريـنـه !

تراقبـه ب/ عيونهـا .. حـب وهيـام

وعيونهـا .. ممّـا تكـنّـه / حزيـنـه

"يعرض لها الماضي مثل عرض الافلام "

ل.. ماضـي ابـوه وغـلاه وحنيـنـه

يرجيه ل( سنين القسـا ) درع وحـزام

وجنـب ٍ علـى صكـات بقعـا يعينـه

ابـو ثـلاث أعـوام .. والا 4 أعـوام

يغار منـه البـدر .. مـن كثـر زينـه

صلّى وجاء وأمر الله اللي قضـى تـآم

ماهـوب داري عنـه .. زينـه وشينـه

بشته عليـه .. مهنـدم ٍ خيـر هنـدام

واللـي ب/ عمـره .. كلهـم محترينـه

يوم اطلعـوا للشـارع انقسمـوا أقسـام

وأهـم مـافـي القـصـه ؟ ملّعبيـنـه

تداعـب رموشـه .. ذعاذيـع الانسـام

ويابردهـا .. يـوم آيبسـت شفّتيـنـه

وعلى تـراب الأرض بأصبعـه رسّـام

أمـا رسـم لـه طيـر .. والا سفينـه

العيد طعمه كـان فـي الشـارع العّـام

ماهـوب عـن رغباتـه .. مقيديـنـه

رجـع ولكـن فرحتـه ضايعـه ( دام :

كل ٍ مشـى ) وأخـذ ولـده ب/ يمينـه

صاروا خواله في نظـر عينـه اصنـام

آحيـوا ب.. داخلـه الجـروح الدفينـه

ولا عنده الا أمـه ونـاب القهـر سّـام

جاهـا يبـي منهـا اليديـن الأميـنـه

شعوره اللي حـس بـه مثـل الإلهـام

وأول سؤال في بالـه : أبـوي وينـه ؟

سؤال : لكـن كـان مثـل النبـا الهّـام

لازال باقـي فـي المسامـع .. رنينـه

جته تعـدي , ماهـو تخّطـي بالاقـدام

وشالتـه بيديهـا .. وحـبّـت جبيـنـه

أبوك : جاء البارح وقبـل الفجـر قـام

وشرى لـك ألعـاب , وهدايـا ً ثمينـه

تراه حبّك وأنت غـارق فـي الاحـلام

وراح ل.. دوامه , والشغـل مرسلينـه

لحظه .. وهو بين الحقايـق والأوهـام

والدمـع الازرق حايـر ف.. مقلتينـه

يمّـه : تـرى مانمـت والعالـم نيـام

ماجاء .. ولا لمسـت يدينـي / يدينـه

مدام رقمـه معـك مـن بيـن الارقـام

ب.. أكلمـه , يـوم إنـك تكلميـنـه !

طاحت ما كن آلها من الصدمـه عظـام

ولاعـاد فيهـا صبـر .. ولا سكيـنـه

قالـت بـدون شعـور وإدراك وإلمـام

أبـوك ! فـي تـراب القبـر دافنيـنـه

العام مات .. ومـتّ مـن موتـه العـام

وكنـي بعـد مامـات عنـي سجيـنـه

أبوك جنـدي للوطـن ضـد الإجـرام

عـطـاك عـمـره دون داره وديـنـه

تفجّـرت مـن تحـت رجلينـه ألغـام

ولاعاد لـي بعـده حصـون ٍ حصينـه

بكّت .. وطاح الدمـع مـن حـر الآلآم

وبكى وطاح الكـون مـن مـوق عينـه

كـل ٍ عذلهـا .. بيـن عاتـب ولـوّام

تصّبـري .. خلـي ضلوعـك متيـنـه

ماهو صحيح ان الضروره لهـا احكـام

اكبـر خطـاء يـوم إنــك تعلميـنـه

بـكـره تنسّـيـه الليـالـي والايــام

هو فيـه أحـد ينسـى حـدا والدينـه ؟

طير السعـد فـي عالمـه مابعـد حـام

والله يعـلـم وش تخـبـي سنـيـنـه

أنا كـذا ! ساكـت وصابـر ومنضـام

لكـن كـان الفـرق بينـي وبيـنـه :

الدمـع ل.. عيـون الأرامـل والايتـام

ودمـع الرجـل ذل وهـوان وغبيـنـه

(ابن فطيس)

الموضوع الأصلي: الى بندر بن طريف مع التحيه | | الكاتب: المقبل | | المصدر: شبكة بني عبس

[سعد محمد]

صـح الله لسآن شاعرها بن فطيس

قصيده عـذبــة ورآئــــــــــعـــه

وأختيار جميل أخي المقبل ,

لاهنت .

[المقبل]

مشكور يعطيك العافيه

[سعد محمد]

القصيده لشاعرها/مشعان البرآق ’

ليس لشآعر

محمد بن فطيس حسب ماذكر نهايه القصيده

أجو التآكد أخي المقبل ..

[المقبل]

اخوي الفجر البعيد انا ليس متأكد من صاحبها ولكن كثر مااسمع من الناس انها للشاعر محمد فطيس واعتذر اذا نسبت القصيده لمحمد وهي للشاعرالبراق(والشكر المستمر لك على التنويه)

تحياتي لك

[بندرأبن طريف المظيبري]

فرحت لـك .. وأنـا معاليقـي حطـام
.................................
قصيدة جميله
وصول .وصول . وصول
يا راعي الوصل والطيب
المقبل عن القصيدة ...وصلت ووفيت يا الغالي
وصح السان شاعرهااااااااااا وتسلم يمين نااااااقلهااااااا
يا ولد المناااااعير
انا اشهد ان الحب يكتب لها اسبـاب *****وماكـل قـاع" فيـه تنبـت نواويـر

ياصاحبي تكفيك لـو ضحكـت النـاب *****وشلون وانتـه ماتحسـب المخاسيـر

لا والله الا ظامنـا بعـد الاحـبـاب *****والشـوق ظالـم لاتعـد المحـاذيـر

واحبابنا الي من عقبهم كننـا اجنـاب *****لو مـا لفتنـا الـدار دار المناعيـر

حنا مثل غرس" سقـي ديـن وآداب *****وتاريخ من فعلـه تعـدى الاساطيـر

وقت الرخا نرجى وفي الحرب ننهاب *****ولاجا لزوم المقبل حنـا المذاخيـر

كبيرنا في السن نحسب لـه حسـاب *****وكنه مع الي سابـق" سنـه اصغيـر

انتم عمود العز وحنـا لـه اطـلاب *****نزثى ولو هبـت هبـوب ومعاصيـر

[المقبل]

مشكورررر بن طريف وانت راعي الاوله

تحياتي لك وبيض الله وجهك

[هــدوء]

قـصيدهـ جمـيلـه ورآئـع ـة

وكـلمـآت آروع ..


أختيار جميل ومـوفق ,,