[متعب الشعباني]

بسم الله الرحمن الرحيم
السلام عليكم ورحمة الله وبركاته

هاجوسي العابر مع افكاري الشرد
معي معي والنـاس تصـحا وتغفا
اضحك مع الـعالم واقدم لها ورد
والنار تشـعل في خـفـوقي وتطفا
من كبر نار الجوف ماحس بالبرد
كـنـي عـلى نـار الـفـؤاد اتــدفــا
دايم وانا اكابر على همومي الوِرد
واقول باكر( من عنا البال نصـفا )
واعز نفسي عن هل الحسد والقرد
ولاشفـت شـي اقـول مـلزوم نعـفا
اوسـع ابطاني وجـامـل مع الفـرد
واخـفي اسـراري ولا اقـول حرفا
افهم على الطاير ولا اعجز عن الرد
من شان مخسر عشت دور المغفا
ولاجـاتـني بـيوت القـصايد تبا رد
ارد لـــو نفـسي مـن الرد تـلـفـا
مؤمن ولاني من هل الغرب والكرد
راضي بمقسومي ولو كان صلفا
وياالله (طلبتك خفف )همومي السرد
ويالله عسى صدري من الهم يشفا
متعب الشعباني 2\3\1434ه

الموضوع الأصلي: هاجوسي العابر مع افكاري الشرد | | الكاتب: متعب الشعباني | | المصدر: شبكة بني عبس

[متعب الشعباني]

لنتويه فقط خطا املأي
ارد لو نفسي من( الرد )تلفا

[ابوتوتو]

صح لسانك يامتعب
وقصيدة جزلة من شاعر جزل
ولا بغريبه عليك العذوبه والشعر الجزل

[سند الداموك]

تم التعديل

وصح لسسسسانك يامتعب

تحياتي

[حردان السحلي]

صح الله ا
لسانك
واعز نفسي عن هل الحسد والقرد
ههههه

[نواف بن مفضي]

اضحك مع الـعالم واقدم لها ورد
والنار تشـعل في خـفـوقي وتطفا
سلاااا متك يا لغا لي وصح السانك

[متعب الشعباني]

هلاوغلا اخوي سند الداموك وصح بدنك ولاهنت يالغالي
ومشكور على المرور المشرف لمتصفحي

[متعب الشعباني]

صح بدنك اخوي ابو توتو والله يبيض وجهك ع المروور المشرف لمتصفحي
وشهادتك وسام على صدري واعتز بها كونها من شاعر واديب وخلوق
تحياتي لك ولمرورك العاطر دمت بووووووووووود