[النمر1012]

. رسالتك جتني جزء النص مفقود
ماوصلتها ذبذبات الموبايل .
. منها وصلني شطر بيت(ن)وموجود
موجود عندي في بريد الرسايل .
. مايقبل الناقص ولايقبل الزود
حرفين فيهن للمحبه دلايل .
. فيهن ملامح لوعة سنيني السود
وقصة غرام(ن)به شقى الوقت مايل .
. يوم(ن)غيب الوقت ماهو بمحمود
مهما أفرحك فرحه بلحضات زايل .
. وأكبر دليل أن حبك يزود ويزود
رقم(ن)بعدك دون شوفتك حايل .
. من بيننا حالت مسافات وحدود
بعد(ن)غرامه منك للقلب طايل .
. قلب(ن)حفظ حبك مواثيق وعهود
لوغبت يبقى لأصدق الحب شايل .
. حب(ن)يصونه بالوفاقلب مسعود
قلب(ن)يشوف الهم منك جمايل .
. ماهي بلعبة كذب صالح ومحمود
ومكالمات بزيف سامي ووايل .
. اللي يحسبون الهوى سهود ومهود
ماجربوا حب القلوب العلايل .
. عشاق جيل(ن)به وفاء الحب مجحود
ماله من العفه رشيف(ن)وفايل .
. ولاأنت حبك له وفاء صدقي شهود
حب(ن)عفيف(ن)مالحقته رذايل .
. أشوف بك لون السما غيم وورود
والأرض من حولك زهور وخمايل .
. وريح الخزامى يحمله ساري النود
لهب من يمك عبير النفايل .
. عسى الليال اللي مضت منك تعود
وتجمع قلوب(ن)فرقتها الوسايل .
. وأبوحلك حبي معك وأنت موجود
وأشوف بعيونك ردود الفعايل .
. ماهي رسالة نصها منك مفقود
والنصف الأخر حافظه بالموبايل
الشاعر المميز
مسعود الرشيدي

الموضوع الأصلي: . رسالتك جتني جزء النص مفقود ماوصلتها ذبذبات الموبايل . | | الكاتب: النمر1012 | | المصدر: شبكة بني عبس

[سحايب]

الله الله صح الســـــــــــ مسعود ـــــــان
وسلمت يمناك على مانقلت من جميل
جد جد رؤؤؤؤؤؤؤؤؤعه......

[الـريـم]

ابيات رااائعه

تسلم يمينك

[النمر1012]

صح بدنكم الله يسلمكم وعافيكم ومشكورين علي المرور

[عايد2001]

صح لسان شاعرها
ولاهنت على نقلها

[الزعيم..]

أبيااااتـ رااائعه

سلمت الايادي