[عيد بن عبيد]

عبس الشرف ما هزها هرج ذره – للشاعر يوسف فليّح



قصيدة شاعر معلقة مدح القبائل الشاعر يوسف بن فليّح الرشيدي

ياهاجسي طب البحر هات دره=وما كل من طب البحر قيل سباح
ياعبس بان العلم خيره وشره=ودكتورة التلفيق من فوق الارماح
ياعبس عقل المخطيه من يفره=والكابتن الطيًار يحتاج ملاّح
والكلب لاهرول وبالقاع جره=يتبع اثر عمه بجيه ومرواح
الصوت جره يا اسود الوجه جره=عاداتنا مانحسب احساب نبّاح
واللي يدور له حليبٍ يدره=يبشر بعبسيٍ تحيزم له اسلاح
واللي تبع غاوي وبالهرج غره=من عقبها يصبح على كل ملواح
عر الذي يخطي من الناس عره=عره من سلوم العرب وين ماراح
حنا الشرف حنا نجوم المجره=وطويق ماهزَتْه صلفات الارياح
عبس الشرف ماهزها هرج ذره=اللي تحسب العز خوخٍ وتفاح
جتنا من الاردن وبالكبد حره=جتنا من الاردن تبي كسب الارباح
واللي قدح في سلمنا مانسره=واللي يهرج العار ياصله ذباح
عديتها مره و مره ومره=متى على الله هم قلبي وينزاح

الموضوع الأصلي: عبس الشرف ما هزها هرج ذره – للشاعر يوسف فليّح | | الكاتب: عيد بن عبيد | | المصدر: شبكة بني عبس

[هـآوي]

كفوو والله يايوسف وصح لسسانك وتسلم يمينك ياعيد على النقل

[ابن شلال]

صح لسان الشاعر ولاهنت ياعيد على الطرح

[أميرة البنات]

مكبرين الموضوع وع قولتك ذره

[ابن شايق]

الله الله صح الله لسانك ولاشلت يمينك

وش اخذ وش اخلي ابيات منحوته من صخر

واللـي تبـع غـاوي وبالهـرج غــره من عقبها يصبح على كـل ملـواح

لاهنت لاهنت،،

[سعد عبدالله]

ابو مشاعل شكراً لك على النقل ولا هنت
وصح لسان الشاعر
لكن اعتقد الموضوع لا يستحق قصيده !!

[ابوصالح لرشيدي]

صح السان الشاعر
وسلمت يدك يابو مشاعل على النقل .

[عادل الشويلعي!!]

صح السانك ...وياليت تحذف جميع المواضيع المتعلقه بالهسالفه
لاننا صرنا اعلام لها وقمنا بتوسيع نشرهااا