[مرضي الداموك]

قصيده لشاعر //لافي الغيداني

أتنمنى أن تنال أعجابكم

يامكثرين الهرج ماسمع ولاجيب=تريحوا من فضلكم وسمحولي
تريحوا لا تلاحقون المشاهيب=على الردى ماني شفوق ٍ عجولي
بالعقل والصبر أدب النفس تأديب=وإلالها مده تصول وتجولي
خلج ٍ ترازم في سياج المحاديب=مافيهن اللي بالعقال معقولي
أشد وطيت زور من شمخ النيب=لاضاع مفعول الحيل والحلولي
أنا لاقلت أرتب القول ترتيب=حتى يجي كين على فك قولي
لارسلت لفكار القريحه مناديب=ترايعن من عقب ماهن جفولي
لكن مالي من وراها مكاسيب=لوكان عشاق القشرصفقولي
مايستفيد إلا العدو وألأجانيب=ولاني مطيع مقرقعين الطبولي
خليتها تعطي إفجوجن مجاديب=جرباً تجود في رسنها مهبولي
والله لاجنب دام لي درب تجنيب=من شرهت أحشام الرفاقه خجولي
لو أنها بين النحر والتلابيب= من الحياء وجهي مهو بمغسولي
طبعن لنا نشب عليه ونشيب= وطبيعة ٍ لاعلها ماتزولي
على الجماعه للجماعه مواجيب=اليا جهلواقدر الرفيق الهتولي
ماني على ربعي قريب محاضيب=ادنات مايخليني أسرج خيولي
أن جات من طيب شقاها على الطيب=لو أنها أعوج من رقبة الذلولي
وأن جات من مسكين منطق وأساليب=حطيتها بين الثراء والنعولي
لاحركة شعره ولاطلعت شيب=ولاضيقة خلقي ولاطق جولي
صبرك على ربعك علاج وتطابيب=يقصرحبال السالفه لاتطولي
حتى مايلقى في طرفها مقاضيب=كراه خير وللمشاكل ميولي
وليا بليت بتايهن شره وصعيب=يقول أنا العراف وأنت الجهولي
قل الله الله ياحصان ألأطاليب=يالفاهم العالم عطيب الفعولي
هذا الكلام اللي مافي صحته ريب=لاني بلا حولك ولاأنته بحولي
حصان وابن حصان طيب مجاذيب=وبالمعرفه رجل ٍِ محلي ودولي
خله يروح يخطي الدرب ويصيب=ويقول مابالناس عرضي وطولي
والفرق ماهو باللحاء وألأشانيب= الفرق بين الناس فرق العقولي
كم واحد ٍ تحسن به الظن ويخيب=السن يضحك والفؤادمغلولي
واللي غدت به كلمتن مالها غيب=ماهو من اطيب ربعي اللي غدولي
يالله عساها صيحتن في قفاء ذيب=وقلع النيا بيني وبينه يحولي
الرجل مايغصب على الطيب تغصيب= لاصارماهودل ظمن الدلولي
ومن عادت اللي طيبه يحضر ويغيب=لاطالت الرفقه زهوقن ملولي
وليا بلنك غبرألأيام بصحيب=في مستوى طيبه صعود ونزولي
أعرف ترى الدنيا دروس وتجاريب=والكامل الله والنقى لرسولي

الشاعر//لافي الغيداني

الموضوع الأصلي: قصيده أعجبتني فحبيت أن أنقلها لكم | | الكاتب: مرضي الداموك | | المصدر: شبكة بني عبس

[سعد الرشيدي]

تسلم يمينك اخوي مرضي

على نقل القصيده الرئعه وصح اللسان الشاعر

اخوك سعد

[مرضي الداموك]

اقتباس من مشاركة سعد الرشيدي تسلم يمينك اخوي مرضي على نقل القصيده الرئعه وصح اللسان الشاعر اخوك سعد

الله يسلمك من كل سو ومكروه

مرورك شرف لي أخوي سعد

تقديري واحترامي لك

[الرشيدي]

صح لسان الشاعر//لافي الغيداني

وسلمت يمينك على هذا النقل الرائع

[جـــــروح بارده]

صح لسانك ولسان صاحب القصيده لافي


واختيار موفق

[ابوصالح]

تسلم يمينك اخوي مرضي

على نقل القصيده الرئعه وصح اللسان الشاعر

[الســـامري]

على الجماعـه للجماعـه مواجيـب
.........................................اليـا جهلواقـدر الرفيـق الهتولـي
ماني على ربعي قريـب محاضيـب
.........................................ادنـات مايخلينـي أسـرج خيولـي
أن جات من طيب شقاها على الطيب
.........................................لو أنها أعوج مـن رقبـة الذلولـي
وأن جات من مسكين منطق وأساليب
.........................................حطيتهـا بيـن الثـراء والنعـولـي
لاحركة شعـره ولاطلعـت شيـب
........................................ولاضيقـة خلقـي ولاطـق جولـي

يعطيك العافيه اخوي مرضي على نقل مثل هذه القصيده الرائعه والاكثر من رائعه وصح لسان الشاعر :لافي الغيداني



الســـــــــــــــــــامري

[مرضي الداموك]

اقتباس من مشاركة الرشيدي صح لسان الشاعر//لافي الغيداني وسلمت يمينك على هذا النقل الرائع

الله يسلمك يارشيدي

مرورك شرفني


تحياتي وتقديري