[سعد الشقل]

سلام عليكم


حبيت انقل لك قصيده الشاعر الشاب :- فهد بادي الشقل


(((( حـــب الـــــوطن ))))

خلك مسافر من عنا الوقت مرتاح 000 مايتعب التفكير غير التعاســـه

عند السفر ياصاحبي تبرى الاجراح 000 كم من عليلن بالسفر طاب باسه

لا ضاق صدر الحر فوق السما لاح 000 يكفخ بريشة من هواجيس راسه

دارك تغيرها مع الناس ســــــــواح 000 وارجع لا ضاقت عليك الاناسه

لصبر حد و للوطن شوق ذبــــــاح 000 كلن يعود يـم ربعـه ونـاســـــه

مافيـه مخلـوقـن عـن الـدار نــزاح 000 مـا فيه خيـر البعد والهجر سـاسه

ترى غريب الدار طيرن به جراح 000 لـو يعتـلي لـوم المشـاريـه داسـه

لـو صـار للغـرب بليـل مصبـاح 000 مـن قـدرتـه واللـه عطـاه الشراسـه

و لـو عـاش فيهـم للمقادير نطاح 000 حـدولـه النابيـن كـره وشـراسـه

حب المواطن للوطن فوق الارباح 000 يبعد عن الطماع مكر النجاسه

المـال مـا يرفـع بـراعيـه لا طـاح 000 يمـوت مـا يدفـن معه كنـز مـاسـه

تضحـك لـه الأنـذال بالموت فراح 000 كلـن عقـب مـا طاح يبغـى افتـراسه

مالك غنا عن مسقط الراس يا صاح 000 فيه الحنين الي سقى النفس كاسه

اصبـر ولا تشكي مع الورق لا ناح 000 يصبـر قـوي الحيـل ويشـد بـاسه

دنيـا بهـا شـاقي و بـاقي و نـــواح 000 وكلـن عطـاه اللـه لبـاسن مقـاسـه

سـافر و عـود لينـه البـال يـرتاح 000 متـع فـؤادك والحيـاة انتـكاســــه


وسلامتكم الشاعر/ فـــهـــد الشقــل

الموضوع الأصلي: حب الوطن | | الكاتب: سعد الشقل | | المصدر: شبكة بني عبس

[منصوربن هديبان]

Jsgl تسلم ياشفل علي نقل القصيده


للشاعر فهد صح السانه وسلمت انمالك

تحياتي

[أنكسارحلم]

اخوي سعد صح السانك ولسان الشاعر فهد بادي الشقل


قصيده رائعه..وجميله.والوطن له حق.على كل مواطن


تحياتي

[*العبسي*]

[grade="00008b Ff6347 008000 4b0082 808080"]عند السفر ياصاحبي تبرى الاجراح 000 كم من عليلن بالسفر طاب باسه


صحيح وانا مجرب هذا الوضع والمثل يقول اذا مرضتوا سافروا
ووالله في السفر فوائد عديده ومنها اول شئ انشراح الخاطر عند بداية السفر وهذا الانشراح يدوم معك فتره طويله

الاخ سعد الشقل شكراً لك على هذه القصيده للاخ/ابو بادي وصح الله ألسانه[/grade]

[ابواثنين]

صح اللسانك اخوي سعدالشقل
وصح اللسان الشاعر فهدالشقل
قصيده وافيه

[سعد الشقل]

اقتباس من مشاركة منصوربن هديبان Jsgl تسلم ياشفل علي نقل القصيده للشاعر فهد صح السانه وسلمت انمالك تحياتي

الله يسلمك يابن هديبان

صح بدنك


تسلم علىى المرور يالغالي

[سعد الشقل]

اقتباس من مشاركة ناصر الشويلعي اخوي سعد صح السانك ولسان الشاعر فهد بادي الشقل قصيده رائعه..وجميله.والوطن له حق.على كل مواطن تحياتي

هلا وغلا ابو خالد

صح بدنك يالغالي


تسلم علىى المرور

[سعد الشقل]

اقتباس من مشاركة *العبسي* [grade="00008b Ff6347 008000 4b0082 808080"]عند السفر ياصاحبي تبرى الاجراح 000 كم من عليلن بالسفر طاب باسه صحيح وانا مجرب هذا الوضع والمثل يقول اذا مرضتوا سافروا ووالله في السفر فوائد عديده ومنها اول شئ انشراح الخاطر عند بداية السفر وهذا الانشراح يدوم معك فتره طويله الاخ سعد الشقل شكراً لك على هذه القصيده للاخ/ابو بادي وصح الله ألسانه[/grade]

صح بدنك يالعبسي


وعساني اتخاوىى وياك لديره انغير جو



شاكر لك المرور يالعبسي