[ناصر الرشيدي]

كل عام وانتي بخيـــر بـ عيد ميلادك وكل عام وانا ارتشف شوفك الين أثمل وعقبال ما تفــرحين بشـــوفة احفادك الّا تعـــالي نقـــــول احفــــادنا / أجمل أحـلم ولا لي سـوى الأحلام فـ بعادك قولي بربك سوى الأحلام / ويش أعمل شوفيني اكبر حزين وهمّي اسعادك واذا فـرحتي / احس ان فرحتي تكمل

الموضوع الأصلي: || | حِـبـْـرَها دَمـِّـــي | || | | الكاتب: ناصر الرشيدي | | المصدر: شبكة بني عبس

[ناصر الرشيدي]

كل عام وانت بخير :: كل عام وانت بخير جتني من الغير والا انت يكفيني مَنَكْ / كيــف حالك ودامك بخير اكيد انا حــــالي بخير الا اذا عنّــــي قطعــــــــت اتصـــالك ياللي على شوفتك اسـوق التباشير واسعـــد ليال العمـــــر ليــلة وصالك ماني بقـايل هالجفى منك تقصير قلبــــي بغيبــــاتك تعـــــــــــذّر بدالك لو عـــن غيـابك ما تفيــــــد المعاذير لكـــن قبلت العـــــــــذر جعـلي فدالك وادري لو تعرف بغيابك وش يصير ما طــــاوعك قلبــــك ولا ارتــاح بالك اعــــــرفك طيـّـــب قلب بس المقادير نحّــتك عنـّــــي و تـركـتـــــلي خيالك ارتــــاح لا تشغلك كثــــــر التفاكير وخــــذ ماتبي ما عنــــــدك الا حلالك وكل عام وانت بخير واحبابك بخير اقـــــولها يا اغــلى بشـــر لك لحالك

[ناصر الرشيدي]

حــاولت اخفّي شــوق قلبي عن الناس ولقيت صوت الـ آهـ يفضح حنيني نبضـات قلبي دمعــــة العـــين الانفاس ايامـي شهــوري و باقــي سنيني اشواقي افراحي قصيدي والاحساس كلهم يبــونك حتــى انــا ما ابيني نبيـــــك جــــينا كلنــا نتـبــــــــع الياس نشرب امل شوفك وتضماك عيني غـلاك شجـــرة حــب و طبــوعك الفاس ووصلك مطرها بس وينك و ويني لا تلحقيني لـــــوم لـــو ينكســــر كاس شوقي وكان العـذر رعشة يديني انا قـــريت بوجــــه الاصحــاب لاباس و بضحكهم لمحــت ربـــي يعيني ناديت صبر أيوب مع صبر ابو دباس مع صبري اللي ماقـدر يحتويني ابي كنيســــة صـمتك تـدق الاجراس والاّ دُعــــــاة افراحـــك تلـّد فيني صـــوتي يناديلك تعـــــــالي يا الماس وصوتك يحول الصمت بينه وبيني رجعتك فنجـــال قهــــوه يقعد الراس وغيبتك مــوتٍ كل لحظــــه يجيني

[ناصر الرشيدي]

سر المغاليق ياكثر مافيني من الشوق و الضيق و ياكثــــر مافيني جـــروح(ن) تنادي طــوّل غيابك وانت باقصى المعاليق ياوحـــــــد(ن) عن باقي الناس زادي أي والله انك غيـــــــــر كل المخاليق حتى بصــــدودك منت مثــل العبادي ان غبت عني همت ون شفتك آفيق ومن بعـــــد عرفـك ماهـتنيت برقادي غنيت لك على جميــــــــع الطواريق وكتبت في [بــــوح الخفـوق] بفؤادي كشفت لك ســـــر الضلوع المغاليق وبيـّنت لك بعـــــض الغــلا يا ودادي والحين ابي منك على الحب تعليق أمـــا تجي و الا تـــــرى منت عادي

[ناصر الرشيدي]

::


تبي تســـــافر / كل هذا عشاني
...................... و تقــول لي طــالبك طلبــــــه لا تشتاق

ابشــر من عيوني يافرحة زماني
...................... لكن ابــــي حاجـــــه / ومن بعدها فراق

قبل تسافــــــر هـــات يدّك ثواني
...................... بعطيك ســـلّة دمــــــع و شــوّية اوراق

معهن جزيل الشكر لك وامتناني
...................... شكــــراً جـــزيلاً لك على حسن الاخلاق

وماني بقايل حــــط نفســك مكاني
...................... خايف عليك تمــــــوت من حر الاشواق

مابيــك من ضيــــم الليـالي تعاني
...................... ولابــي تحـس بقســوة الكــــون لاضاق

خلك مكانك ما معـــك شخص ثاني
...................... وسـط الفــــؤاد اللي له ضلوعي رواق

بتلقى جــــــروح وذكريات واماني
...................... ودمــــوع ماتت قبــــل تاصـــل للأحداق

وكلمات عجـــز يقولهن لك لساني
...................... من خــوف تتضايق بقن وسـط الاعماق

اقساهــن انك يا حبـيـبـي ( اناني )
...................... واصدقهن انك محــــرقن قلبــي احراق

وادري بتلقى بيوت شِعر واغاني
...................... كنت انت ترسلهن اذا خاطــــــــرك راق

وانا احتفظ فيهن حبيبي عساني
...................... القابهن عــــن حـــــزن الايــــــام ترياق

اسلى معاهــن كل مالضيق جاني
...................... الين ســـــيل الشــــوق يغــرقني اغراق

شف وين تفكـيري حبيبي خذاني
...................... وعليــك فنجــــــال المشـــــاريه ينساق

لنك على بعض القصــيد تحداني
...................... وانا لكسب رضـــــاك يا شــــوق سبّاق

والحين ياغلى من عطيته حناني
...................... ترى على طاري الســــفر يبست ارياق

سافــــر وانا حافظك بين المحاني
...................... من غيبة حضــورك الى حيـن الاشراق

وانت الوحيد اللي لو انــه نساني
...................... مع كل نبضــــــة قلب من قلبـي اشتاق

[ناصر الرشيدي]

[ || ||| بـ ذوق ردّيه ||| || ]

لو كل ما نبغاه نقدر نسويه
ـــــــــــ محـدٍ دعى ربـه يحـقــق طموحه

ولو كل جرح / الوقت يقدر يداويه
ــــــــــ محدٍ شكى للخلق قسوة جروحه

ولو كل منّا يقدر يقول وش فيه
ـــــــــ ما كثرة اسئلة الغرام اللحوحه

لاتسألي قلبي وش اللي يخفّيه
ـــــــــ حسّي بضيقه قبل ينبيك بوحه

ماهو بحاجة شخص غيرك يواسيه
ــــــــــ كثيــــر حــوله بس عـايش بروحه

اختارك انتي بينهم ماعرف ليه
ـــــــ مبطي وانا اداري عن الناس نوحه

مدّي يدينك في ضلوعي وخوذيه
ـــــــــ بعــروقه و دمّــه و شوقه يا روحه

اخفــيه عن كل الخــلايق و داريه
ـــــــــ مابي يبـــيّن للخـــلايق و ضوحه

وان ماحتملتي شوقه / بذوق ردّيه
ـــــــــ بكفـّنه / والك العــــذر و السموحه

[ناصر الرشيدي]

×× كنتي ××

طَعَنْ كَلامي .... خَوْفْ جَرْحِكْ ... بِـ سكّين
وماتْ الكَلامْ ... وخوفْ جَرْحِكْ .. بَقى حَيْ

صَنْتِكْ .. وكٓنْت .... أنا الجِفِنْ وانْتي العينْ
وخنْتي .. وشِفْتْ أفْضَلْ وَسيلَهْ لِكْ .. الكَيْ

لاني بَقايَلِّكْ ......... عَلامِكْ ........ تَخونينْ
ولاني ......... بَنَدْمانٍ عَلى ....... مَدَّةْ يدَّيْ

واجِدْ عَطَيتِكْ ....... بَسْ ...... ما تَسْتَحَقّينْ
مَنْ جِدْ ... صَرْتي ... في عُيوني ولا شَيْ

كِنْتي ... غَلا ..... كِنْتي ... جَميعْ العَناوينْ
كِنْتي . فَرَحْ . كِنْتي . أمَلْ .. كِنْتي .. المَيْ

كِنْتي ... حَلَى ... كِنْتي ..... عَليهِنْ تَفوقينْ
كِنْتي الألَقْ . كِنْتي .الفَلَقْ . كِنْتي . الضَّيْ

كِنْتي ... وكِنْتي .. وادْري إنّكْ ..... تَعْرفينْ
قيمَتْك عِندي ..... بَسْ صَرْتي .... وَلا شَيْ


.... وَلا شَيْ
.... وَلا شَيْ
.... وَلا شَيْ

[ناصر الرشيدي]

شافــوك في صوتي وانا ما تكلمّت
.................... وشافـوا أثر فرقاك فـ دموع عيني




وقالوا نسى وانا من الحزن سلمّت
.................... وقالوا قسى وانا ذبحـــــني حنيني



ما مـــر نـــوم الا بقــربك تحلمّت
.................... ابيك قـــد احـــــــزاني اللي تبيني



في غيبتك تدري وش اللي تعلمّت
.................... أن الصبــر ماعاد هو في يديني



وتدري وش اللي حيل منه تألمت
..................ضحكتك حتى وانت غايب تجيني