[بدر الحشية]

قصيدة اعجبتني وحبت ان انقلها لكم

أقول في نفسي وأنا أعايد الناس=متى بشوفك تكمل أفراح عيدي
أجامل وربي عليم ٍ بالإحساس= وشهو شعوري وأنت عني بعيدي
اللي خذاني لك على سهو هوجاس =حسيت نفسي وسط ربعي وحيدي
لو حسوا بما بي يقولون لاباس= بدال قولة على عيدك سعيدي
لاصرت عندي وقتي أعياد وأعراس= حتى ولو إني وسط سجنٍ حديدي
عاشرت خلان وتخالطت بأجناس=محدٍ سواك أهديته القلب بيدي !!
من تحت ما طا الرجل لي هامت الراس= كلش هويته فيك والله شهيدي
لقيت بك ذوقي وأنا قاطع الياس=ومعك بدا يحيا الأمل من جديدي..

الأمير الراحل سعود بن بندر

الموضوع الأصلي: متى بشوفك تكمل افراح عيدي | | الكاتب: بدر الحشية | | المصدر: شبكة بني عبس

[الجـــــادل]

أقول في نفسي وأنـا أعايـد النـاس
متى بشوفـك تكمـل أفـراح عيـدي
أجامـل وربـي عليـم ٍ بالإحسـاس
وشهو شعوري وأنت عنـي بعيـدي
اللي خذاني لك على سهـو هوجـاس
حسيت نفسي وسـط ربعـي وحيـدي
صح احساسك ولاهنت اخوي بدر

اختيار موفق

دمت بود

أختك الجادل

[صوت البدر]

اشكرك اخي بدر الحشيه على حسن اختيارك للقصائد الرائعه

[عبدالعزيز الخياري]

اللي خذاني لك على سهـو هوجـاس=حسيت نفسي وسـط ربعـي وحيـدي
لو حسوا بما بـي يقولـون لابـاس=بـدال قولـة جعل عيـدك سعيـدي

اشكرك اخوي بدر على النقل وحسن الاختيار

[بدر الحشية]

الجادل
صوت البدر
عبدالعزيز الخياري
لاهنتم على المرور الرائع
وكل عام وانتم بخير