[عبدالرحمن هليل]

وهذا مردالشاعر/سعدالذيابي


حي الجواب وحي نظم الاساطير
وياحي من شال الرساله وجابي

ومن يشتكي مايحتري للمعاذير
لا غلق الشربه وتال الزهابي

صويب حب اللي جديله دعاثير
ويقول انا بليتبه و بتلابيفي

لازمه لو لي جناحين لا طير
ومسي بدار مطولين الغيابي

كسرت لابن هليل" الصعب تكسير
وفكيت للموضوع عشرين بابي

يشكي علي ودافن السر بالبير
ولا اعرف وين ديار جال العذابي

لاكن انا مابلش بكل التدابير
ان وافقن لهاجسي وستجابي

ولمت للي ماتعبتها المشاوير
هقيتبه من جدته ويهقابي

من نمرة الثالت يجي فيه تصفير
ولا من الخامس يصير انسي ابي

ان جاك مع خط القرى حزة عصير
قوي عزم وسايقه مايهابي

وعن القدر ماينفن المحاذير
شوف الشبك وشلون صاد العقابي

نبي ندور في سنود ومحادير
بقوة تقدم مانبا الانسحابي

يالله توفقنا لزين التباشير
قبل المعايد و اللتباس الثيابي

للجادل اللي شط فتخى على ضير
وترد من قلبه خذته اغتصابي

عمهوقتن عن غيرها وصفها غير
تستاهل التوصيف لو هي غيابي

الخد براق المزون المباكير
اللي من الممشأ تقود السحابي

والعين عين اللي بعال الشناضير
متفهق الارداف والصدر نابي

والعنق يبغى دروس وتقارير
لو اصفه وصف يزيد الصوابي

ذكرتني بالحب لا ذكر بالخير
مافقت لينن الزمان انتحابي

مال المحب علاج عن الدكاتير
قبل ترى شكيت له ماشقابي

عبرت لك عن بعض الأوضاع تعبير
وانا حزامك لا هبا كل هابي

وان كان تبغا الراي عليك اباشير
يابن الرجال متعبين الركابي

ان جاز لك شوري علي خيرته سير
وان ما اعجبك ماكن ماجاك الجوابي

اجمع ماقلت وطيره بالمعاصير
مابيننا ياطير شلوى عتابي

حبن مبداه اتصال وتصاوير
مبداه ضحك وانتهابه خرابي

وانت صقر بيدين ربعن صقاقير
اشهر لا تاقع ناسحق والترابي

الصقر لا وقع بجنب العصافير
من ماقعه سموه باسم الغرابي

وانت حشيم ومن وجيه مسافير
اللي حضر منكم يسد الغيابي

خلك بميقافك كنك سالم الزير
لا تقول طاوعت الزمن وارتكابي

وختامها مسك بوسط القوارير
باغلى الثمن نهديه لغلى صحابي

الموضوع الأصلي: كسرت لابن هليل | | الكاتب: عبدالرحمن هليل | | المصدر: شبكة بني عبس

[الـريـم]

ابيات راقت لي

تسلم يمينك

[آهــذريــبــك]

رد جميل ووفي من الذيابي

لاهنت أبو خالد

[انت روحي]

	الله يعطيك العافيه وتسلم ايدك

[نوماس5]

يسلموووووووووووووووووووووووووووووووووووووووووووووو وووووووووووووو

[ابو عايض]

	يعطيك العافيه قصيدة جميله

[عبدالرحمن هليل]

الله يعافي الجميع