[أبونواف]

ياهل الوانيت اللي تبون المضاهير"="ان كانكم عجلين مرو عليه
ياحبني لمدورين المشاوير"="خصنبه اللي يركبون امعفيه
خلوه يسرح يالوجيه المسافير"="يمه مغيب سهيل وايمن شويه
جمسٍ يثور بالدبادب معاصير"="ويله يشق القاع لو هي قويه
يبعد هموم مقزر الليل تقزير"="اسهر وانا مااونس بعمري شكيه
لوان ماجاني من الدار تقصير"=" قلبي يحب البر وأغلى نديه
اهل بيوتٍ يتعبون المداوير"="يضويلهم مع كل فجٍ رعيه
يازين لجتهم ليا غرد الطير"="كلاَ يبا المغباش يسبق خويه
مضمين والبارح اغشان وشخاتير"="وهجو على نقع الصفاء والحجيه
ياكثر انا ستهم اليا جم مصادير"="كل روى ذوده وملا رويه
وصكم ابيتٍ مدهلن للمساير"="يصبح عليه الصبح والنار حيه
عسا مراويح السحاب المذاكير"="تزي وطنهم كل صبح وعشيه
لين يتساوى قشعها والنواوير"="وتصير مثل سنينها الاوليه
ماوسطها كود اشقح الريم وامطير"="ماطبها الشاوي مربي طليه
يرعونها بمراوزات المقاهير"="وحدودها من كل صوب محميه
من دونها جماعه الشر والخير"="على جميع الناس عسرٍ مجيه
واليوم فيها مثل وردٍ على بير"="تلقابها من كل سبع اللغيه
اقولها عن ضيقت الصدر تعبير"="والا الدهر مادبرته في يديه
العبد ماعنده لدنياه تدبير"="ماعنده الا مايدبر وليه

الشاعر: صحن بن قويعان

الموضوع الأصلي: فماان الله اشوفكم على خير | | الكاتب: أبونواف | | المصدر: شبكة بني عبس

[rashidhoa]

الله يعطيك العافيه يا ابو نواف على نقلك المميز

[أبونواف]

مشـكورٍ يــآخــي آلكريــمٍ ع مـروكٍ يعطيكٍ آلعآفيــةٍ

[سلطان العايضي]

دايم مميز بابو نواف لاهنت على النقل

[البنفسجي]

اههههههههههههههههههههههههههه

العنوان يلفت النظر .......

مشكور اخوي على النقل دائما مبدع

[أبونواف]

مشـكورٍ يــآخــي آلكريــمٍ ع مـروكٍ يعطيكٍ آلعآفيــةٍ

[سعد الشقل]

صح اللسان الشاعر صحن بن قويعان

ولاهنت على نقل القصيده

[أبونواف]

نــورٍتٍ آلصفحــةٍ يــآخــيٍ يآلعـزيــزٍ