[محمد بن صبح]

السلام عليكم ورحمة الله و بركاته

مساكم الله بالخير جميعاً

أحب ان اطرح لكم هذه القصيدة التي كتبتها من هيض مشاعري في الشيخ سعد بن حامد بن صبح العجرمي الرشيدي
و مهما قلت من القصيد فلن أوفيه حقه

المرجلة ما كل رجلً و صلها=المرجلة دربً على العاقل صعيب
كم واحدً فيها جهوده بذلها=تعب ولا وصل لحد المطاليب
المرجلة مثل الخلايا و نحلها=من جاء لهن لا بد يلقاء العواقيب
ومن هو صبر يبشر بلعقة عسلها=ومن لا صبر يبشر بمر المشاريب
المرجلة يهدر و يرغي جملها=وان زادت احموله يشد العراقيب
والنفس يرفعها و يدمح زللها=ويبعد الهقوات و يجنب العيب
واليا لقاء عوجا بدربه عدلها=ضاري على فك العلل و المناشيب
دايم فعوله بيض محدن جهلها=اما مع الاقراب و الا الاجانيب
هذاك مثلك يا سعد ما عنا الها=جت فيه من رب السماء عالم الغيب
وورثً من جدودك و سلمً لأهلها=اللي رحلوا و أبقوا لهم ذكر بالطيب
يقولها شاعر بيوته فتلها=ما قالها زورً ولا خالين جيب

الموضوع الأصلي: المرجلة ما كل رجلً و صلها ><المرجلة دربً على العاقل صعيب | | الكاتب: محمد بن صبح | | المصدر: شبكة بني عبس

[أمـ الشوق ـير]

صح لسآنه على هالجزله


تسسسسسسسسسسسسسسسلم

[عبدالله معزي]

صح لسانك
قصيده جميله

[احمد منيف]

المرجلة مثـل الخلايـا و نحلهـا. . من جاء لهن لا بد يلقاء العواقيـب ومن هو صبر يبشر بلعقة عسلهـا. . ومن لا صبر يبشر بمر المشاريب المرجلة يهـدر و يرغـي جملهـا. . وان زادت احموله يشد العراقيـب

احسدك ع هالصوره الخياليه تستاهل الخمس نجوم

وصح الله لسـانك :)

[هيون]

صح السا نك اخوي يعطيك العافيه

[محمد بن صبح]

الاقتباس غير متاح حاليا




احمد منيف




صح بدنك يالغالي و مشكور على التقييم

[محمد بن صبح]

امير الشوق

عبدالله معزي


احمد منيف

هيون



صحت ابدانكم و مشكورين على المرور الرايع

[السيف القاطع]

صح السانك شاعر مبدع ويستاهل للمدوح