[منصور بن صبح]

السلام عليكم ورحمة الله وبركاته

هاذي رساله إلى ردي العزم (وملهي الرعيان)

وهي إلى الأن رمزيه والمصيبه لاصارت عكس ذالك هههههههه

ياردي العزم أخذ مني صراحه=ماني مجامل وهرجي مقرحاني
كاتبه من كبر عقل ومن رجاحه=ماكتبته لجل يمدحني فلاني
مالكً صكً يفسح لي مساحه=أتباحث فيه مضمون البياني
أصدر العلم النقي وعقد نكاحه=مع خواطر خافقي والله يراني
وأعرف أنه مايناسب لك صلاحه=كان ماناسبك صح الله لساني
مارجيت الطيب وقصدي رباحه=كيف أبرجي واحدن مثلك جباني
من خلقه الله وهو يتبع ضحاحه=السراب اللي لميعه ماغواني
ويتفاخر بالغباء يا للوقاحه=يحسب أن الزود في طرد الأماني
ذلل بروحه لــــ(ملهي) وستماحه=عذرً يكرر على طول الزماني
(ملهي)الرعيان في طرده شفاحه=ملز الرعيان من حيلً سماني
أن نصحنا عنه عشاق السماحه=أستشاطو والردي منهم هجاني
ما درى أن الله معطينا فصاحه=ونتمعن في جزيلات المعاني
شعرنا بالجوف يروى من قراحه=وأنت يغرقك اللي براس الساني
لو لا خوفي شرهة البين صلاحه=لعلن الغارات من معذر حصاني
الفليح الناس تفلح من فلاحه=وأن وفاء توصله إلى بر الأماني
والردي باير ولا يمكن صلاحه=من تردى طول عمره يستهاني
ما يقود القوم من يرخي شباحه=الوفي نفسه ماترضاء بالهواني
من نقص قدره مجيه مع مراحه=إيتساوى والعشر ترجع ثماني
في عيون الناس مايبدي صباحه=لو يغطي نقصها بالصولجاني
يضرب كفوف الندم راحه براحه=من يفاخت فعل خطلان اليماني
أعتقد باقي حقايقنا مباحه=كان ماكفت بصدري علم ثاني
وأعرف أنه مايناسب لك صلاحه=كان ماناسبك صح الله لساني

وسلامتكم

الموضوع الأصلي: رساله إلى ردي العزم (وملهي الرعيان) | | الكاتب: منصور بن صبح | | المصدر: شبكة بني عبس

[وحاه]

صح لسااانك يابن صبح عز الله قصيدة عصمااااا

[منصور بن صبح]

اقتباس من مشاركة وحاه صح لسااانك يابن صبح عز الله قصيدة عصمااااا

صح بدنك

أشكرك على المرور

[عبدالهادي بن صبح]

والله يامنصور بن صبح أن هالقصيدة من أجزل وأفضل القصيد اللي عرفناه

صح لسانك مليون ولايكفون

بيض الله وجهك يابن العم على الدرر الثمينه التي لاتستغرب من شاعر مثلك

[محمد الراشد]

صح لسااااااانك

[سعد بن جميل]

لا اقول الا صح السانك علي هذه القصيده الاكثر من رائعه

[منصور بن صبح]

اقتباس من مشاركة عبدالهادي بن صبح والله يامنصور بن صبح أن هالقصيدة من أجزل وأفضل القصيد اللي عرفناه صح لسانك مليون ولايكفون بيض الله وجهك يابن العم على الدرر الثمينه التي لاتستغرب من شاعر مثلك

صح بدنك ياعبدالهادي بن صبح

تشرفت بمرورك يابن العم

أشكرك على المرور ياشاعرنا المبدع

وبيض الله وجهك

[مستشار الذيب]

صح لسانك وسلمت يمنك قصيده رائعه