[عبدالرحمن هليل]

احيان يوم اجلس خلاوي لحالي.
في مقعدن مابه من الخلق غيري.
مقعاد بروجو ليله صفالي.
معه انشرح صدري وقرالنظيري.
أخيرمن مجلاس بعض الرجالي.
اهل العلوم اللي تغث الضميري.
ناسن ليامن شفتها ضاق بالي.
ولياحكوا زادوا بقلبي مريري.
ناسن ورى الخوه تدور ريالي.
وان مالقى خالف مسيره مسيري.
واقفى وعن وصله قطع في وصالي.
وليا لقى لقمه خلافي يسيري.
ليابغى حاجه تعنى وجالي.
من شان مطلوبه يهون العسيري.
يازين منطوقه ليامن حكالي.
وهوقبل يومين وجه كشيري.
ويومه لقى ماهو عشانه عنالي.
من عقبها ماعاد يمي يسيري.
وان جيت ابيه بلازمي مادرالي.
لاذاكرن طيبي ولاشاف خيري.
هذا جواب لطارحين السوالي.
قلته ولاني عن سواه استخيري.
الا لياعدوا زحول العيالي.
اللي مواقفهم تعز العشيري.
اهل الكرم والطيب في كل حالي.
كلن على كسب الجمايل يغيري.
احرارنسل احرارترقى الطوالي.
ماهم من اللي خش له في حجيري.
وقت الشدايد ترتكي للثقالي.
مافكرت بكبارهاوالصغيري.
لو حملها يكسر ظهورالجمالي.
تشيلها وتشيل حتى البعيري.
عنهم حكى التاريخ صدق المقالي.
كلن مواقيفه بدربه تنيري.
ذولاك افزلذكرهم لاطرالي.
واقف لوإني نايمن في سريري.
لوكان مثل أمثالهم مابقالي.
الا القليل بهالزمان الأخيري.
اقفت عليهم مرمسات الليالي.
للموت ساقتهم لحد المصيري.
وآعزروحي يالسنين التوالي.
هوليه فوقك مابقى الا الشريري.

الموضوع الأصلي: احيان يوم اجلس | | الكاتب: عبدالرحمن هليل | | المصدر: شبكة بني عبس

[كحيلة]

صح الله لسانك اخوي عبدالرحمن...قصيدة بالحيل طيبة..
مشكووور..ولاخلا ولاعدم..

[احمد منيف]

صح الله لسان شاعرها ومشكور اخوي ع النقل

[عايض حماد بن عريجه]

صح الله لسان شاعرها

[عبدالرحمن هليل]

مشكورييييييييين