[النمر1012]

ياللي بعيد هناك والعايق زما
لوهو على كيفي وصلتك ما انثنيت
المي بيدينك وانا ميت ظما
ولو ان غيرك نهر دجله ما ارتويت
عليك شووقي كل ماخف احتما
كنك تناديني وانا للصوت جيت
أسف اذا قربت من حد الحما
وأسف اذا ثقلت وانا ما دريت
حبيت ابين لك واوضح ريثما
تستوعب اللي في ضميري لاحكيت
اما بعد..واما اذأ..واما وما
والمصطلحاات القديمه كمبليت
تضيع بلساني اذا شفتك كما
اني أضيع كل شطر وكل بيت
يافاتنٍ تحتك سماء الزين ارتما
وانته على احضان المعاليق ارتميت
الين كونت الك في صدري سما
مداه يبقى في حياتي ما حييت
مجرته شوق وتفاني وانتما
واحساس يوصلني عليك إلى ظميت
مع اعتبار اللي وطا واللي سما
والعاذل بعيني وطا وانته سميت
إليك قلبٍ من غرامك مفعما
لو لا السحى على دفا صدرك بكيت
يا جعل عينٍ ماتحبك للعما
دريت احبك زين ولا ما دريت؟!
لا عاد ترميني على حد الظما
لوكان بيدي كان من مبطي نسيت

الموضوع الأصلي: يا جعل عينٍ ماتحبك للعما دريت احبك زين ولا ما دريت؟! | | الكاتب: النمر1012 | | المصدر: شبكة بني عبس

[ضوء]

.

..
^_^

النمر1012 الله لايهينك
والله يعطيك 1000000 عافية

[صعصعة]

ماكل مبدع لازم يكون مشهور
وماكل مشهور بيجي شعره ابداع

وماكل مبدع يملك القاء وحضور
يكفيه يملك شعر الى حد الامتاع



الوكاد انك شعور لا يوصف في مذاقك الشعري

[غيوض الرشيدي]

لا عاد ترميني على حد الظما
لوكان بيدي كان من مبطي نسيت

صح السانك

مبدع بمنتهى الكلمه

[النمر1012]

الله يسلمكم ويعافيكم ومشكورين علي المرو ر الجميع

[راسبه بالحب]

صح السانك

كلمات روعه لاعدمنا نزف قلمك

[النمر1012]

صح بدنكم والله يسلمكم ومن ذوقكم وومشكورين علي المرور

[سحايب]

الله الله صح السان شاعرها
وسلمت يمناك على هالذائقه
الرااااقيه ......