[ناصر الرشيدي]

كل عام وانتم بخير يارب

::


كل عام وانت بخير جتني من الغير
.............والا انت يكفيني مَنَكْ / كيــف حالك

ودامك بخير اكيد انا حــــالي بخير
.............الا اذا عنّــــي قطعــــــــت اتصـــالك

ياللي على شوفتك اسـوق التباشير
.............واسعـــد ليال العمـــــر ليــلة وصالك

ماني بقـايل هالجفى منك تقصير
.............قلبــــي بغيبــــاتك تعـــــــــــذّر بدالك

لو عـــن غيـابك ما تفيــــــد المعاذير
.............لكـــن قبلت العـــــــــذر جعـلي فدالك

وادري لو تعرف بغيابك وش يصير
.............ما طــــاوعك قلبــــك ولا ارتــاح بالك

اعــــــرفك طيـّـــب قلب بس المقادير
.............نحّــتك عنـّــــي و تـركـتـــــلي خيالك

ارتــــاح لا تشغلك كثــــــر التفاكير
.............وخــــذ ماتبي ما عنــــــدك الا حلالك

وكل عام وانت بخير واحبابك بخير
.............اقـــــولها يا اغــلى بشـــر لك لحالك



::

الموضوع الأصلي: جديدي قصيدة [ كل عام وانت بخير ] | | الكاتب: ناصر الرشيدي | | المصدر: شبكة بني عبس

[حنان الرشيدي]

صح لسانك ع القصيدة ..
و كل عام و أنت و الجميع بخير ..

[ناصر الرشيدي]

صح بدنك
وكل عام وانتي بصحه وسعاده
ومن العايدين

[أثير الشوق]

ابيات جميله صح لسانك وينعاد عليك وعلينا بكل خير

[ناصر الرشيدي]

مرورك الاجمل اثير

وكل عام وانتي بخير

[عبدالسلام عارف]

صح لسانك ع القصيدة ..
و كل عام و أنت و الجميع بخير ..

[ذيب الهجاد]

لحظة بشغل التلفزييييون..

[الضرغام]

صح السانك

ابيات رائعه

كل عام وانت بخير