[الوافي 100]

قصيدة من الشاعر "عبدالحكيم عبدالله الرشيدي"
إلى :: زميله الشاعر "سابر مسلط الحارثي"

ونصها مايلي ::
سلام من هجسٍ به الذوق فاخر ×× أحــلى من السكر مع الحليب
تحيةٍ عطره ومن طيب خاطر ×× للحارثي نعم الخوي والصحيب
وإن قيل من الحارثي قلت سابر ××شـــــاعر حكيم وفاهم ولبيـــب
من لابةٍ يوم أشهب الملح ثاير ×× أسهومــها وقت اللقاء تصـيب
لا يبست الارياق دون الحناجر ×× عــز الصديق وسقم للـحريب
أهل السيوف الحدب وأهل الخناجر ×× والضيف يلقى البن والترحيب
ياالحارثي لو سالف الوقت داير×× قـال المثل كن ياغريب آديب
عشنا سنين اطول برض الدواسر ×× مـأحدٍ يودي علم والا يجيب
ماجتني رسالة ولا رد شاعـــر×× والعذر بالتقصير ماهو عيب
اليا تعذر صاحب العرف عاذر ×× العيب باللي يجهل التحسيب
قال الرشيدي والرشيدي معاصر ×× آخذ على مر الزمن تجريب
من عاشر الطيب بطيبٍ يعاشر ×× والا الردي مافيه عز وطيب
بعض العرب تغريك فيه المظـاهر ×× واليا عرفته مايسر قريب
والا انت عن درب الوفاء منت قاصر ×× رجل سداد وباللوازم ذيب
شاعر على رد التماثيل شاطر ×× تجيد معنى النظـم والترتـــيب
بحر أيحصل فيه در وجواهر ×× تطلع به الشمس الضحى وتغيب
يقودني له هجس وارد وصادر ×× روابع منها اللبيــب يـــشيــب
من يطمح للعليا يدوس المخاطر ×× والله يقود الحظ والنصيـــب
صلاة ربي عد ماطار طاير ×× على الرسول المصطفى الحبيب
شفيعنا المبعوث لليوم الآخر ×× أمحمد ولا فــيه شـــك وريـــب



رد الشاعر سابر الحارثي::

أهلين ياللي جيت بالخط ساير××حييت واثني جزيل التراحيب
حييت من قلب به الدم فاير ××من بعد ماجاني خطكم والمكاتيب
أبو حكم محتار والفكر حاير××واونس براسي ياصديقي صواليب
فرحان بالمرسول واعطي البشاير××من عندكم ياقايم بالمواجيب
يابوحكم عيني تهل العباير××من بعد ماشانت علي المشاريب
أشكي على اللي عالم بالسراير××اللي رقيب يعلم السر والغيب
أصبرعلى المقسوم والوقت جاير××والرجل في بعض المواقف يجي ذيب
والله لو تعلم بما في الضماير××إنك تودي ياالرشيدي مناديب
وتسرني ولا تحسب الخساير××ولا يضيع الطيب في راعي الطيب
وتقول ميدي ويش ذا العلم صاير××والمرجله بين النشامى باساليب
وضعي تعلق بين عاصي وكافر××وان جيتهم شلوا علي المشاعيب
الحال باح ولا بقى الا الذماير××وصبرت حتى بان في راسي الشيب
بابوحكم لاصار صاحبك باير××فالعفو ياشوق البنات الرعابيب
أمزح معك واضحك ولالك نكاير××والعب معك يوم انت راعي اللواعيب
لما صخرت القاف فوق المناير××جاتك طواريق المعاني عواسيب
هزت جبال طويق هي والصواير××والقيض حر والمشارب لواهيب
علما تعالمبه رجال العشاير××وتسير فيه مطولين الاشانيب
الصابرين الظافرين السفاير××تعرف من البرهان كل التجاريب
منيب لاكثرت الاشاوير شاير××جيك في هذة وهاذيك واجيب
البير دمه لاتبين الحفاير×× وتجيك شينات الحلايا سواريب

الموضوع الأصلي: قصيدة وردود بين الشاعرين عبد الحكيم الرشيدي وسابر الحارثي | | الكاتب: الوافي 100 | | المصدر: شبكة بني عبس

[سعد محمد]

صح لسان الشاعرين ...

أبيات جميله وبيض الله وجيهم.

وكل الشكرلك يا الغالي على نقلها .

[آهــذريــبــك]

صح لسان الشاعر
وسلمت يدي من نقلها

[الوافي 100]

شــــــا كــــــــــــــــــر لــــكـم مروركم

[سيوف بني عبس]

صح لسان الشعرين
وتسلم اخوي ع نقل