[مساعد الشويلع]

اكذب عليك ان كاني قلت ناسيك
والا بعد حاولت ياروحي انساك
تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و أسلاك
ماتدري إني هايم وميت فيك
ماتدري ان غايه سروري رضاك
اغليك من قلبي ومن روحي اغليك
وافراح عمري تكتمل في ملقاك
كلك حلى سبحان منهو مسويك
يا مجملك في عين قلبي ومحلاك
وزود على حسنك طبوع (ل) تحليكـ
تفرقك عن هذا وهذا وذاك
يكفيك مني يا هوى البال يكفيك
اني محال انساك لو قلت بنساك

الموضوع الأصلي: قصيدة شوق | | الكاتب: مساعد الشويلع | | المصدر: شبكة بني عبس

[احمد منيف]

صح الله لسـان شاعرها ومشكور اخوي مساعد ع النقل الطيب

[كحيلة]

تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك

صح الله لسان شاعرها..وتسلم اخوي مساعد ع النقل الطيب..
وعسى كل غالي يرد لغاليه :)
لاخلا ولاعدم..

[مساعد الشويلع]

اختي كحيله مرور جميل وتقبل الله منك