[عبيد الله دعيع]

بي أم دبليو>>يافرحه ماتمت >> وإلا أقول ابرك ساعه

بنت الشيوخ اللي نزلت مـن البـي=المركب اللـي ماركبـوه الضعافـي
مرت وهي متعديـه ونظـرت فـي=بعيون سود وساع والرمش ضافـي
قلت ان حظي قام ..وحسيت في شي=رعده وقلـبي صار فيه أرتجافي
وأثر النظر ماهوب يمـي ولا لـي=أثر النظر في كلبها اللـي خلافـي
سواقـها والكـلب والـثالـثه هي=ثـلاثـةٍ مـابـيـنهـم أخـتلافي
أمحق جمال وعـود ريَّان من الري=نـورٍ ولـكـن صار بالعـين طافي
الورد ماهـو ورد لـو كان زاهي=لا صار ورد ومعـتـرض للسـوافي
وأنا أدري أن الحظ بالماقف سـي=يطيح مراتٍ ومرات يافي
لا واخسارت وقفتـي فـي محلـي=بأسبابها عودت للأنحرافي
تركتها وأقفـيت عـنها برجلي=وصارت أركابي عن هواها مقافي
درب الجهل وإبليس والثالث الغي=يثّر عـلى قـلب الـشريف السنافي
وجهت وجهي للولي دام انا حي=واللي مضالي من هوى البيض كافي

محبكم/عبيد الله بن دعيع بن عمير

الموضوع الأصلي: بنت الشيوخ | | الكاتب: عبيد الله دعيع | | المصدر: شبكة بني عبس

[البعيد الهادي]

وجهت وجهي للولي دام انـا حـي=واللي مضالي من هوى البيض كافي

بيض الله وجهك

وصح السانك ياعبيدالله

على هذه الجزله
دائماً تتحفنا بما هو اجمل

وسلمت ودمت

[عبيد الله دعيع]

اقتباس من مشاركة البعيد الهادي وجهت وجهي للولي دام انـا حـي=واللي مضالي من هوى البيض كافي بيض الله وجهك وصح السانك ياعبيدالله على هذه الجزله دائماً تتحفنا بما هو اجمل وسلمت ودمت

هلا وغلا أخوي البعيد الهادي
وجهك أبيض وصح بدنك يالغالي
شكراً جزيلاً لك على هذا المرور الرائع
تحياتي وتقديري لك

[هذيان]

.
.
ابيات رائعه ومميزه . .
صح السانكـ ياشاعر . .

[ابوريناد]

مشكور على الابيات الحلوه