[ابو بيان]

اقدم لكم محاوره الشاعر ابراهيم الشيخي والشاعر محمد جفال الرشيدي التي اقيمت في قريه الشويمس بتاريخ 12\12\1429هـــ وبي اذن الله غير انقلها لكم بالبوتوب بالوقت القريب ان شاء الله واسمحو ليه على القصور وان شاء الله تنال اعجابكم وتقبلو تحياتي اخوكم ومحبكم ابو بيان

محمد جفال

يامرحبا في محل اهل الوفاء واهل النوميس =بني رشيد الرجال اللي مواقفه شريفه
تعال ياشاعر ابراهيم في صدري هواجيس = وانته من اللي يجيبون السواليف الطريفه

ابراهيم الشيخي

اعداد ماترفع الريات وتهب النسانيس = دام البقاء ياهل الترحيب والنيه نظيفه
ماني مكلفك ياشاعر تحضر عرش بالقيس =لكن برق وفرق بالثقيله والخفيفه

محمد جفال

ليلى ا بنيت عرب والناس كلن صايرن قيس = وهل الشهادات تال الوقت ماتلقى وظيفه
بعض السوالف تطير مع الهواء مثل القراطيس = وانته تعرف القويه ياصحيبي والظعيفه

ابراهيم

ليلى بنيت عرب مافاز فيها كل عريس = ماهو بلامس نهدها لين يدمي حد سيفه
الناس تقضي ليال الصيف في لندن وباريس = وانت تصيف هنا بشعيب عواد ومصيفه

محمد جفال

ضوء القمر بالسماء ماهو مثل ضوء الفوانيس = بالله ود الخبر يم العفيفي في عفيفه
لاوالله الحرب شبت وانت ماحولك متاريس = ون جتك اصابه خطيره لاتسميها طفيفه

ابراهيم الشيخي

انت متعافي ويمكن فوق زندك يمشي التيس = لكن عزا لله انه مالحقني منك خيفه
الحرب شبت وحنا من بعيدن المراميس = مير انتبه لايصيبك من قذايفنا قذيفه

محمد جفال

اوصيك لاتستمع لاهل المعازف والمراويس = لكن انا شايفن لي بالبلد ياناس شيفه
مافيه فاليوم هذا اصغر على الدنياء من بليس = يالله دخيلك عن النكبات والحال السخيفه

الموضوع الأصلي: ابراهيم الشيخي ومحمد جفال الرشيدي | | الكاتب: ابو بيان | | المصدر: شبكة بني عبس

[عنترالعبسي]

الأفضليه للشاعر ابراهيم الشيخي ويكفي محمد جفال شرف اللعب مع الشيخي

[ولد حايل]

محاوره راااائعه
كفوا ووفوا الشعاااار

وعلى محمد جفال بياض الوجه شرفنا بهالحفله
بيض الله وجهك ابو بيان على نقل الجديد

[يوسف الصامل]

اولا اشكر ك ابو ييان على نقل الجديد ومحاوره رائعه تذكرني بلعب الشعراء الكبار القديمين امثال مطلق وشليوح المطير ي وبيض الله وجهك يابو جفال ماقصرت لعب وافي
ليلى بنيت عرب والناس كلن صايرن قيس = واهل الشهادات تال الوقت ماتلقى وظيفه
كلام سليم اليوم الناس يبون الصوت وكلن يقول انه شاعر وهو نجم الملعبه والشعراء الذي عندهم الشعر الحقيقي والمتميزين ماله نصيب في المحاورات والحفلات وفقك الله يابو جفال واشكرك على البيت هذا
واشكر ابراهيم الشيخي على نقض البيت والرد الوافي ولايستغرب من شاعر امثال ابراهيم الشيخي
ليلى بنيت عرب مافاز فيها كل عريس = ماهو بلامس نهده لين يدمي حد سيفه
كما اعجبني بيت للشاعر محمد جفال

مافيه فاليوم هذا اصغر على الدنياء من بليس

يالله دخيلـك عـن النكبـات والـحـال السخيـفـه

اي يقصد ثاني ايام العيد ابليس الناس يرمونه بالجمرات والمعنى الله واعلم ولكن للامام يابو جفال ووصيك بالاستمرار بالمحاوره انت شاعر ابداع وبيوتك ابيوت شاعر لايستهان به وتقبل تحياتي اخوك يوسف الصامل وللامام

[سعد الشقل]

صح اللسان الشاعرين محمد الرشيدي وابراهيم الشيخي

ومحاوره طيبه ./.

نتمنى المزيد من هالمحاورات يابو بيان ../

[سرحان]

مشكور يا ابو بيان على نقل المحاوره

والله يوفق الشاعر محمد الرشيدي

[منصور غنيمان]

مشكور يا ابو بيان على نقل المحاوره

والله يوفق الشاعر محمد الرشيدي

[العقاد]

صح اللسان الشاعرين محمد الرشيدي وابراهيم الشيخي

ومحاوره طيبه ./.

نتمنى المزيد من هالمحاورات يابو بيان ../