[كحيلة]

السلام عليكم ورحمة الله وبركاته..
مسااااكم أجزل أبيات القصيد وأطيبها..
ومسااانا أحلى من السكر مع وجود الشاعر الكبير عبدالله باتل..
أشكر الإدارة لتخصيص قسم خاص فيه..وبيض الله وجه صاحب الفكرة..
اسمحو لي اشارك بهالقصيدة لشاعرنا..

ارجوك بعض المشاعـر لاتهزهزهـا
ترى المشاعـر تألـم عنـد راعيهـا

وترى النفوس العزاز الهـا حواجزهـا
وحواجز النفس ستر (ن ) من خوافيهـا

لا تقول لك كلمة (ن) تحسبك تحرزها
وتطيح لاقمـت منهـا منـت قاويهـا

وان قلت لك كلمة (ن) حاول تركزهـا
ولا ترى الصمت خير (ن) من حكاويها

ودعواك لاصار مـا تقـدر تنجزهـا
ازبن على واحد (ن) ساعـه وينهيهـا

ولا تجود علـى صبـر (ن)يعجزهـا
وتجيك في وسط بيتـك مـا تناديهـا

وكم واحد(ن) حاجتها بالصدر يكنزهـا
من قـل مـن يستمعلـه يـوم يبديهـا

يخشى مـن اللـي يهمزهـا يلمزهـا

يضحك بعض ناس لاكن ناس يبكيهـا

وشكواك لابن الردي حذر(ن) تعنزهـا
يفضحك وتروح فيها وانـت كاميهـا

وعليـك تكبـر ولا تقـدر تميـزهـا
وتضيع في طوشة(ن) تبلـش بتاليهـا

والسالفـه يقـدر الـواحـد يلفـزهـا
ويقدر على ناس مـن شكلـه يمشيهـا

ولاتشغلك حرمة(ن) منـت متجوزهـا
تطرد وراها وغيـرك يهتنـي فيهـا

ولا يفرحك شوف الارنب لو تنقزهـا
مـادام مـا شفتهـا بالنـار شاويهـا

ولاتحسب (ن) الذهب باي يد(ن) يزها
ترى الذهب مـا يغيـر لـون اياديهـا

والنفس حاول بحـد اقصـى تعززهـا
نفس(ن) بلا عزهـا مانـي مداريهـا

والنـاس لاتقـوم بعيونـك تخززهـا
احمد على العافيـه واسلـك مماشيهـا

ومن طاوع النفس تشقيـه بغرايزهـا
ومن طاوع العقل يسلم مـن بلاويهـا

والمرجلـه ماتحـب اللـي يهاوزهـا
تبي لهـا واحـد(ن) دايـم يحاضيهـا

واللي عيونـه مـع الظلمـا يغمزهـا
ماحد(ن) درى عن عيونه لـو يعنيهـا

ونفيستـك وانـت فانـي لاتغزغزهـا
المقبـره بأنتظـارك وانـت ناسيهـا

والنـاس دورات قادرهـا بعاجـزهـا
ماخلـق جنـه ونـار وزعـوا فيهـا

وناس(ن) مع الله وناس ابليس ناغزها
سبحان من ظل ناس ونـاس هاديهـا

وناس(ن) تعلـت وعلتهـا مراكزهـا
وناس(ن) تبي الطيب مير الطيب فاحيها

وناس(ن) تحفز ومعروف(ن) تحفزهـا
وناس(ن) تبي من يشيمهـا ويعطيهـا

وناس(ن) تلعوز وتسلم مـن تلعوزهـا
وناس(ن) مع اللعوزه تبطـي لياليهـا

وناس(ن) تبي نبز ناس وناس تنبزهـا
نابز ومنبـوز ليـن المـوت يفنيهـا

وناس(ن)عجز رزقها يكمل عوايزهـا
لاهـي فقـارا وهـي مالله مغنيـهـا

حتى العجايز تبي نـاس(ن) تهمزهـا
العافيـه والظنـا مـاهـو مكفيـهـا

وان قمت اعاند تفاكيـري وابارزهـا
صارت حجاوي وانا مانـي محجيهـا

والسلام ختآآآم..

الموضوع الأصلي: ان قلت لك كلمة (ن) حاول تركزهـا.. | | الكاتب: كحيلة | | المصدر: شبكة بني عبس

[البعيد الهادي]

صح االساان الشاعر البحر الميت .عبدالله باتل
وتسلمين ياكحيلة

[احمد منيف]

حتى العجايز تبي ناس(ن) تهمزها
العافيه والظنا ماهو مكفيها

صح الله لســآن الشاعر عبدالله بـــآتل

ومشكوره يالــ غ ــاليه ع النقل الطيب :)

لا خلآآآ ولا عدمممممممم

[سحايب]

صح الســـان الشاعر
وسلمت يمناك على نقلك

[كحيلة]

البعيد الهادي..
جعل ربي يسلمك ويسلم غالينك..
شاكرة مرورك العذب..
لاخلا ولاعدم..

[كحيلة]

أحمــــد منيـــف..
هلاآآآ وغلاآآآ..نورت الموضوع يالغالي..
وأسعدني بالحيييل مشاركتك فيه..
لاخلا ولاعدم..

[كحيلة]

ربي يسلمك حبيبتي دمعـــه..لاهنتي ع المرور العذب الي أسعدني بالحيل..
لاخلا ولاعدم يالغلا...

[تفائل تعش]

قمة الابداع ولا اعلم عن سر غياب

هذه الابيات عن الاعلام