ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
قصيدنا في حضن بيت الشعر،خاص قروب الحصريات
قصيدنا في حضن بيت الشعر يامرحبااا ترحيبة البدو للعيد تباشرو به حين شافوهلاله امرحباا مليون وان زاد لاباس والزود لاهل الزوديستاهلونه يامرحبا بك عد ماهلت مـــــزون واعداد طير في السما حلق وحام هنا سيحتضن قصيدنا وابياتنا القريبه لقلوبنا بيت الشعرمع دلال القهوى اللي يفوح من شذاها هيلها هناخيمتنا قروب الحصريات سنجتمع هنا كلما احسسنا خواطرنا اشتاقت للقصيد وسنطرح كل مانراه قريب من قلوبنا هنا انتم بضيافتي البدويه مع فنجان قهوى واللي تبون من علوم البدو وراح يكون مفطحات وذبايح بس طبعا مافيه بيبسي لانو موبزين لصحتكم (البنت بخيله وترقع اعذروها)ههههههههههه المهم خيمتنا هذي راح تكون للقصيد والشعر واللي بخاطرك من قصيد يعني راح نجتمع هنا ونقول الابيات اللي تعجبنا واللي لهل اثر بنفوسنا طبعا اذا قلت القصيده اللي تعجبك اوالبيت نبي منك تذكر سبب حبك اواعجابك بها القصيده اوالبيت اتمنى فهمتو لانو الفكره واضحه واللي يقول قصيد اوبيت شعري ويذكر سبب حبه لها البيت يتفضل يقلط ويتقهوى بخيمتنا و1ذا وده بشاهي حياك وبعد القهوى الله يحييكم ع العشاء مرحبا الف اقلطو واللي مايقول البيت اللي يحبه ومايذكر السبب بنعشيه اندومي وعصير سن توب وسلامتكم مع تحيات قروب الحصريات الموضوع الأصلي: قصيدنا في حضن بيت الشعر،خاص قروب الحصريات | | الكاتب: احساس الشمال | | المصدر: شبكة بني عبس
|
|
|
[QUOTE=عايد2001;2385660]
هع هع اكتفي بـ سن توب الله يعطيكِ العافيه لا تروحون بعيد فوز مافيه فوز وهذي تعتبر لـــــــ قروب الشطحات ماهي لكم ههههههههههههه[/ QUOTE] عادي اذا تبون عشاء تفضلو اشطحو هنا بس الفكره لنا فقط قروب التميز لسنا الوحيدون لكننا الافضل هههههههههه اعلان شامبو
|
|
فكرة رووووعه ..
و يا كثر القصائد إللي أموووت فيها هههه إن شاء الله كل يوم بـ أجي هنا و أعطيكم قصيدة مع شرح أسباب إدمانها ^_^ : أما اليوم هذي القصيدة إللي ع بالي ... و هي من كلمات عبد الله الفيصل : خذني معك لاصير جسمٍ بلا روح .. حيث إنها تقفي إذا أقفيت روحي .. إرحم خفوقٍ بين الأضلاع له نوح .. عقبك يعلم ساجع الورق نوحي .. ليلي يطول إن غبت من غير مصلوح .. ان ..جا النهار أطول و عيا يروحي .. سري بحبك دايم الدوم مفضوح .. و إن ما نطقت دموع عيني تبوحي .. باب المحبه لك مدى الدهر مفتوح .. وعن حب غيرك فيه تسعين لوحي .. : أما ليه أحبها ؟؟ والله ما أدري بس يمكن عشانها عاجبتني :)
|
|
|
هذي قصيده لسعد علوش والله احبها لاني سمعتها من شخص غالي على قلبي
انكسرت من الفراق وشوف عيني ...شوف عيني وأنت تدري بانكساري كلما مديت لوصالك يميني ....رحت تتجاهل يميني مع يساري حتى صرت أشوف جرحك في يديني .....في يدين الجور صداتك مواري حس فيها لابلاها حس فيني .....لا تعبرها لكن رد اعتباري وأنا مقفى جعل منت منتويني ......بالجفا والخوف وأنواع العزاري ياهلي يانصف ربعي ياخديني ......يامواني غربتي ياروح داري يا شموخي يا انكشافي يا دفيني ..... يا علوي يا بقائي يا انحداري يا بداياتي يا مائي يا كسجيني ....يا اندثاري يا اعتدالي يا ازدهاري يا بلادة حسي وقمة حنيني .....يا اختياري لا يا عشواء اختياري أعشقك من عادني فول سنيني ...لين صرت آخذ مع نفسي قراري من عرفتك وأنت ثالث والديني ....واللجوء إليك يعني لي فراري ضمني خل الضرر بينك وبيني .....الضرر من ضمتك شيء اضطراري خل يدينك من الجور اتحميني .....من جمود يعيش و الين انصهاري كل ما ضاقت بعيني يا موعيني ......ابتسمت وصار لي ليلي نهاري فلا سكت تروح بطيش اتحكيني .... رجعي أبطبعك وبأسلوبك حضاري ماذبحني فيك ألا انك تبيني ....وما سحرني ألا حكاك الأستعاري لا حكيت أحس بأشياء تعتريني ....وان خشع قلبي وتطري لي طوراي أعشق حكيك وحفظه يا ضنيني ....حفظ بن تيميه لحكي البخاري ولا سكت أحط يدي في جبيني ....وارجي الله ما يطول بانتظاري أدري أني عندك وأسألك ويني .... داريا لكن ما كني بدراي لين شيطاني تلفظ كلمتيني ....ورحت مني ما تبي سمع اعتذاري لا تبكيني وتفرح عاذليني .....ولا تخسرني بعد كبر انتصاري لا تخليني بعد فيضة كنيني .....وأنت خابرني على الوصل انتحاري لا تروح بروحتك كلن يجيني .... ما ني مكابر ولا حتى مداري انكسرت من الفراق وشوف عيني ..... شوف عيني وأنت تدري بانكساري
|
|
http://t0.gstatic.com/images?q=tbn:A...y8yPZpMLRZP77A
يالبيه يالقهوه ^ــ^ هذي القصيده كنت دائما ارددها وخاصه وحنا في ايام الدراسه وكانو صديقاتي بالفصل يرددون وراي وكان صوتنا عالي وخشت مدرسة الادب وجازت الفصل كامل مايطلعون فسحه والسبب مني هههههه والقصائد الباقيه اسدحه لكم بعدين قلبي اللي لواه مْـن الصواديـف لاوي== جرّحتـه الليالـي و الحظـوظ الرديّـه و الله أنّي بوسط الناس كنّـي خـلاوي== من يلوم المفارق عقـب فرقـا خويّـه أشهد ان المفارق من عظيـم البـلاوي== مير هـذا نصيبـك يالعيـون الشقيّـه أتجلّد و أقول أنّي علـى البعـد قـاوي== و الله أعلم بقلبٍ فيـه الأشـواق حيّـه كيف راحت يابو تركي حياتي شقـاوي== وين درب السعـاده و الحيـاة الهنيّـه ليت لأهل الهوى و الحب قاضي دعاوي= كان أداعي عيون اللـي فراقـه خطيّـه كنّي المبلـي اللـي قطّعتـه المكـاوي== كلّمـا جـظّ بالـونّـات زادوه كـيّـه وفال قروبكم كرتون سنتوب ترضيه ولايكثرخخخخ |
|
|
هذي قصيدة اصعب سؤال لمحمد السهلي
وربي غاليه على قلبي ولها ذكريات بحياتي ( اصعب سؤال ) اللي جوابه للأسف مثله ( سؤال ) !! ...................... ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكرك ذيك الليال ؟ ) .................. كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محال !! .................. لكنها صارت كذا ! واللي (( اهم )) اني دريت : ان الحياه فبعد احبابك اذا جف الوصال ................. اتعيشها لو تقتنع انك خلااص اصبحت ( ميت !!) يا صاحبي لو كل شي يمر بالخاطر يقال ................. ما كانت العبره تــــولجني اليامنك طريت ؟! شفني قدرت احبس دموعي بس ( دمع القاف ) سال ...................... ويا كبرها ساكت ولكن داخل اوراقي بكيت !! عمر الحكي ما كان دافي لاابتدى بقولة تعال .................... لجل اتجاهل رجفة حروفي اليامني حكيت .. الحال في بعدك قسم بالله ما اسميه حال ............... انوي على الضحكه واحس كلي خطا لاني نويت ؟! اتصور انك من رحلت اشوفك لجسمي ظلال .................... لا شفته امشي ببتعد واثره معي مهما مشيت !! مدام يعني في بحرك لفرحتي مليون جال ............... وش فيه موجك ما ركد ؟ قربت اموووت وما رسيت .. يرضيك ما عادت معي تفرق اذا جالك مجال .................. لاني اقتنعت انك نهايه واني ببطي ما بديت !! صرت ( اعقد حجاجي ) اذا جابوك باطراف الجدال ...................... وانا قبل لاقالوا اسمك كني : ميت ثم حييت .. تعبت اعيش الدور وافتح للمعاذير الخيال ................... واتخيل اني جيت في بالك وبانك استحيت .. وتردلي كلك (( وله )) وتقول : ( كن البعد طال ؟ ) ............... ومن الفرح ما عاتبك واقول : ( ياخي مابغيت ! ) حتى وانا تخيل حشمتك ! لن قلبي لا يزال ................. يكرر اسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال ............... للحب واحساس القصيد ان عانق الليل وسريت .. ربي يصبرني على الفرقا مدام الحظ مال ............... وانت بيجيلك يوم تعرف ليه في بعدك شكيت .. واذا بلاك الله وعذبك اشتياقك (( بس تعال )) .............. واقرى القصايد في غيابك كلبوها بيـــت ... بيـــت .. بتدرى ان ( اصعب سؤال ) اللي يجي رده ( سؤال ) ................ لا قلتلي ( وش ذكرك ؟ ) ثم قلتلك ( متى نسيت ؟
|
|
|
اختي احساس الشمال الله يعطيج الف عافيه على الفكره اكثر من رائعه
وهذي قصيده عبد الله علوش لها ذكرى خاصه لصداقه مثل بستان و أنت و ما بذرت يمكن إنها تشح و تبور و أنت تعلها و الله إنها كنز الأرباح لا مني تجرت أتحرى الزود فيها و أحاتي قلها و كاني قصّرت في حق صاحب .. ما كفرت! يمكن إنها زلةٍ ما بغيت أزلها بس لا مني دريت إني أخطيت أعتذرت ميزةٍ ما كل رجلٍ يزل يدلها و أنا و الله في حقوق الصداقه ما ذخرت و لا وثّقت العلاقه و أنا باملّها من صبر يقدر و جربت و أصبرت و قدرت و أنخدعت ببعض الأزوال ما هو كلها و إن خسرت فلا هي بأول ولا آخر ما خسرت غير يا دق الخساير و هي يا جله |
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| الا بنات قروب الحصريات لحد يزعلهم <<~~ قروب الحصريات | رشيديه و أفتخر* | منتدى التصاميم والجرافكس | 33 | 05-10-2011 05:02 AM |
| مديرة قروب الحصريات المركز الاول ^_^ قروب حصريات | الموج الهادي | منتدى ملتقى الاعضاء | 20 | 24-07-2011 02:13 AM |
| تصاميم رمضانية ~> قروب الحصريات .. | حنان الرشيدي | منتدى التصاميم والجرافكس | 21 | 23-07-2011 06:40 PM |
| طفولة مشاااهير > قروب الحصريات | بنت السلاطين | منتدى الصوروالفيديو والسفر والسياحه | 43 | 20-07-2011 01:22 PM |
| كرسي الاعتراف خاص قروب الحصريات | احساس الشمال | قروبات شبكة بني عبس | 29 | 20-07-2011 01:29 AM |
الساعة الآن +4: 07:33 PM.
جميع الحقوق محفوظة شبكة بني عبس
