[مساعد الشويلع]

طال الطريق وضآع باب الموآصيل..
وانكسرت الخطوه ومحدن لمحها..


وتكسرت وسط الدروب القناديل..
والبسمه الخجلى عذابي فضحها..


ياغااايب بالله وين المرآسيل..؟
اللي تفرح خافقي لافتحها..


الليل في بعدك أبد ماهو الليل..
سود الليالي محدن قد مدحها..


لاصرت جالس بين هم وغرابيل..
وطيوف حزنن يعتريني شبحها..


وشلون أبفرح وانت أبعد من سهيل..
على عيونن مات فيها فرحها..


ليالي الماضي تحث المقابيل..
وعظام شوقي كل حزنن لفحها..


تبكي عيوني والبكا يقتل الحيل..
وياليت عيني تسمع اللي نصحها..


ماكل دمعه تنمسح بالمناديل..
بعض الدموع تطيح محدن مسحها ..

الموضوع الأصلي: تبكي عيوني والبكا يقتل الحيل | | الكاتب: مساعد الشويلع | | المصدر: شبكة بني عبس

[غرام البرازي]

يعطيك العافيه ابيات روعه ..

[بندرأبن طريف المظيبري]

	مساعد الشويلع

[سحايب]

طال الطريق وضآع باب الموآصيل..
وانكسرت الخطوه ومحدن لمحها..

صح الســان شاعرها
وسلمت يمناك على هالذائقه

[راسبه بالحب]

ماكل دمعه تنمسح بالمناديل..
بعض الدموع تطيح محدن مسحها ..


سلمت الايادي ..كلمات رائعه ..

لاهنت .. لاعدمنا نزف قلمك ..

[مساعد الشويلع]

راسبه مشكوره على المرور

[احمد منيف]

وشلون أبفرح وانت أبعد من سهيل.. على عيونن مات فيها فرحها..

صح الله لسـان شاعرها ومشكور اخوي ع النقل

[غربة الروح !!]

ياغااايب بالله وين المرآسيل..؟
اللي تفرح خافقي لافتحها..


الليل في بعدك أبد ماهو الليل..
سود الليالي محدن قد مدحها..


0ابيآااات رووووعه تسلم يمناااك

تحياااتي لك