[الفجواني]

ياراكب فـوق مـن تتعـب منافستـه
دفع رباعـي مطباتـه مـا توجسهـا
من مصنعه جيب توه فـي منوفستـه
دغري لبن سيـف واسياتـه مكيسهـا
ماتفرقه عـن جنـاح الليـل ودمستـه
غراب ليلـن يتخثـع فـي غطالسهـا
يفهـق لـك الليـل لا من دقـت اجرستـه
كنك علـى ايـام تمـوز واشامسهـا
لادق سلفه رهيـم حصـان بعطستـه
ولا مضارس فحولن فـي تضرسهـا
رنجن خطوط الجلد كلـت ممارستـه
والياتخثـع طموحـن فـي تهندسهـا
أعجوبة الغرب لأهل الشرق كرستـه
على تضاريس جـل اللـي مجنسهـا
هجوبهـا عريبيـا والغـرب ابالستـه
حتى غـدا سالفـت بـدون بمجلسهـا
اليا نقل نمرته مـن عقـب ريوستـه
وشيش رقطـا قبـل تقـرص تنفسهـا
مركب هل الطيـب يامكثـر مقدستـه
وأجواءه لأهل نجد مصنوعن يمارسها
سواقه اللي ظروف الوقـت لاحستـه
وسليتره سبت فـي رجلـه وكابسهـا
ظـروف وقتـه معاكسهـا وعاكستـه
وسلـوم ربعـه مجنبهـا وموكسـهـا
ملفاك للـي فعـول الطيـب نومستـه
اللي عليه اسنـد الدعـوى وانكسهـا
طلقن حجاجه لا ضاع الراي بعمستـه
تـاج المواجـيـب لا والله ريسـهـا
جبار مـن لاعتـه بقعـاء وكركستـه
ذيبـن بوقتـن تعـوابـه هجارسـهـا
يمناه للجود تجـذب طيـب وترستـه
يـوم ان غيـره دنانـيـره يكدسـهـا
قل ياعلي جاك من يشكـي بهجرستـه
كفك ندى جـود وجهـودك تكرسهـا
العين كـن السهـر بابـن وحارستـه
وعيون غيـري تنـاود مـن تنعسهـا
وعيني اللي دموع الغيـض حابستـه
والعين الأخرى قهرهـا طال وعمسهـا
لوترجم العكـس رجالـن بوسوستـه
تبقى المعاني لأهلهـا عنـد حارسهـا
لاوندق الليـل والهاجـوس هوجستـه
حيلن بقلبي قبـل هوجـاس حابسهـا
لجن بصدري وقلـب الصـب يبستـه
في غيهبن عن جميع النـاس هاجسهـا
أسرج من الفكر قافن عقب ما قسته
بنات فكـرن مـن الألمـاس نلبسهـا
ازكـى مـن المسـك لامـني تنفستـه
وقلوب غيري من المعنـى يلامسهـا
لامحلـى الصنـف والدنيـا مدرستـه
وأهـل المعانـي لاجاهـا يدرسـهـا
أبعد نظر لانـزف شعـره وهندستـه
من حيرتن زاد في صدري تحسسهـا
لو المعاني تفيد في كـل مـا ونستـه
لاكان سلطان بيض الطـرس يدبسهـا
ياوجد حالي على اللي يـوم خامستـه
غرون معاليـق قلبـي قـام يحمسهـا
وجد الي ذي شافهـا عوجاا ولا بسته
والقوم ببناه بينتن مفارسهــا
عود بمجلاهـ والدنيـا معومسته
والقوم وش عذرهـا للي منومسهـا
في غيبته شرعو للبيت واحمسته
حوافر الخيل بالرفه مداوسهـا
عليك يابو هدب عين بغلمسته
غيرك من الناس عيني من يونسهـا
ناقوس ذكراك لامن دق بأجرسته
كن المعاليق بالدمام يرجسهـا
ماترحم الحال جرحي منك ماوجسته
ياباخر الورد كاديهـا ونرجسهـا
يابشه احسن ياملحه وريستـه
البيض من حضرتك ملعون مترسهـا
لا تترك الصب في هجرك ولولستـه
وانت سيوف الجفـا والصد غارسهـا
كم من طريق بليل دامسن دستـه
ودروب ياطولهـا للي يقيسهـا
يومي بقلبي هوا الغربي بـ نسنسته
وما يغيد لهيب القيض ميبسهـا
اقبل تحيات من دنياه جلستـه
على شفا جال والدنيـا يعاكسهـا

..... وسلامتكم مما راق لي

الموضوع الأصلي: سواقه اللي ظروف الوقـت لاحستـه < | | الكاتب: الفجواني | | المصدر: شبكة بني عبس

[خابت هقاويك]

يا سلاااام يا سلاااام
كفووووووو الفجواني هذي القصايد ولا بلاش
اختيار موفق

[الفجواني]

كفوك الطيب .... واشكرك على مرورك الاكثر من رائع اسعدني اخوي خابت هقاويك

[بندرأبن طريف المظيبري]

الفجواني
قصيدة .. نثرية وأثرية ولكن تفتقد ألي القافية قليلآ
تقبل ردي بكل تقدير وحترام
من مصنعه جيب توه فـي منوفستـه

تصب في أعماق صاحبها أحييك ع النقل


تحياتي لك .هرم عبس

[الفجواني]

اضفتو للقصيده روعه خاصه بمروركم اشكرك بندر على المرور الفاخر ولاهي غريبه منك ...

[خابت هقاويك]

بصراحة اختياراتك رائعه والله اعجبتني القصيده بس من شاعرها
الزبده تحياتي لك انت 100%

[دانه]

يعطيييييك العافيه قصيده رائئئئئئئئئعه

[الفجواني]

خابت هقاويك الله يعافيك شاعرها سلطان بن عادي