[المحترف العبسي]

زايد ابن عدله

يامرحبا وضلع الابيض يصفق بضلع أجا=أحيان يصفق رضا وأحيان يصفق زعل
لا طاح رأس العقيد أكيد ضاع الرجا=وش عاد لو دون باب البيت مية قفل

راجي الشمري

دام البقا يالمرحب طيـب المنهجـا=لكنْ جنب طريق الظلع وأمش السهل
من يحمل السيف بالميدان ما يحرجا=يكفيك يا صاحبي والعلم ذا محتمـل

زايد ابن عدله

هالحين احط النقط من فوق حرف الهجا=حتى تجينا علومك عكس وألا عدل
ماكل من في يده طوق بحياته نجا=ولا كل هرشً برك للحمل شال الحمل

راجي الشمري

ياشاعرٍ تعرف المدخال والمخرجا=لا جتك منّا العلوم يصيب قلبك خلل
الخيل وقت المعارك لازمٍ تسرجا=ولا احدٍ بوقت المواقف يالرشيدي جِهل

زايد ابن عدله

انته مدام ان اخوك بضلع سلمى لجا=خلك معه لن طلع خلك معه لن نزل
عوّذ من أبليس وان ضقت ألعنه لو شجا=ابليس ياما لعب بعقول ناسَ دقل

راجي الشمري

كم قلت لك جنب الظلعان يا لأعوجا =لكنْ من كثر خوفك تستغـل الحيـل
ماني من اللي يطيع الأعور الأثلجـا =عندي علاج القلوب اللي يصيبه علل

زايد ابن عدله

الفارس اللي يخض القوم وسط الدجا=احسن من الفارس اللي راح عمره فحل
عسى علاجً معك يكفيك وقت الوجا=وألا انت عقلك معه ماعاد عندك عقل

راجي الشمري

الفارس المعتبر له صوبكم مدرجا=أحذر منه يا أبن عدله كان صابك ملل
أنا علاجي لمن شرواك ومبرمجا=ياللي تخايِل بعينك صوب كوكب زحل

============================================
اهديكم هذا الطاروق بعد العوده لكم
وعطوني رائكم في الطاروق وماهو معناه ؟

الموضوع الأصلي: طاروق للشاعر المبدع زايد ابن عدله والشاعر راجي الشمري | | الكاتب: المحترف العبسي | | المصدر: شبكة بني عبس

[الله يجازيك]

استغربت من الشاعرين نفس المسار
ونفس ايضاً تركيبة الابيات يعني مستواهم متقارب
لكن زايد اعجبني بدخول والخروج بالمعنى
عالعموووم شعراء لهم مستقبل
تحيااتي لكم

[على هونك]

الله يعطيك العافية على النقل و صح لسان الشاعرين . محاورة اعتقد لعبوها من دون هاجس ... لان فيها نوع من الملل .
وهي قلت توفيق . تترتب على اشيا واجد . منها صعوبة القافية . وبحر القصيدة ولحنها

وبداية الفكرة قد تكون بداية ثقيلة

المحاورة . كانة البيوت بصيغة وحدة ولون واحد ونكهة . وعلامة واحده

خالية من النقظ والفتل . قد تخص امر معين معين

وموضوع خاص لشاعر المقابل . ولايعتبر معنى . ولكن يستخدمه الشاعر كاورقت ظغط

[بن هادي الرشيدي]

لا هنت....

[ذيب الهجاد]

لاهنت على النقل الجميل..

وصح السان الشعار ...

محاورة كانوا جميعهم منتصرين فيها........

HageaS

[طنطاوي]

سؤال للاخ الناقل هل هي في ميدان ام في مكان اخر جلسه ام انترنت

لا اعتقد انها في ميدان