[شامخ الشامخ]

السلام عليكم ورحمة الله وبركاته ..

اهدي لكم هذه القصيدة .. كباقة ورد وتواصل .. علهّا ترتقي لذائقتكم ..

يا قلبي اصبر ملاذ الروح زعلانه= فجّر سكونك وشق الصدر وهدومه
والصدر شمّع بعد ما تثور بيبانه = واجلس معي للقصيد اليوم ملزومه
اسمع وش اكتب لها بالشعر وأوزانه = دام استحلت .. تراب الكون ونجومه
إنسانة ٍ بالعيون .. ولا هي إنسانه = إلا نجاة لحياة ٍ ( شبه معدومه )!
في غفلة الحب بلّ الصدر واوطانه = غيث ٍ مقامه على شريانك ونومه
املأ الشرايين من وبله ووديانه = فاضت عليك وتتالى فيك بثلومه
أثره صحيح الرشيدي قال بألحانه = ( اليا استجد الغلا كل ٍ ومقسومه )
ربعّ جبلك وتربّع بين ريضانه = حب ٍ جديد .. وجذوره غير معلومه!!
قلت ابتدي به وأحبه وأرفع بشانه = دام الخلايا بختم الحب مختومه
بأوفي معه والزوايا منه مليانه = وبـ أتنفسه لين أشمّ الموت وسهومه
يسعد مساء غفلة ٍ جابت لي الدانه = يوم ارجعت لي مجرة قلب منجومه
عاشت هنا .. لولوة حبي ومرجانه= لين اعلن القلب .. حظر الغير وعلومه
إيه اشهد انك بدولة حب سلطانه= ابّى مدادك ولبّى فطره وصومه
إيه اعترف لك بحبك قبل كتمانه = وأليا كتمته توفى القلب من يومه
إيه اسعفيني وبلّي الريق ولسانه = يلعن فراق الحبيب وبعده ولومه
إيه ازعلي .. واحذري تفكير الأهانه = لاول فقير ٍ وصل بابك على اقدومه
إيه اسمحي لي طلبت القلب غفرانه = وأسلمتك امري وطحت ولا لي القومه!!
الا برضاك وكرم قلبك مع احسانه = ما دمت مؤمن بحبك وش بقى ارومه؟
اقسم قسم يالمدد ما انتي بغلطانه = وأكذب مزوحك .. حقيقة عين مرسومه!
جيت ابتسم لك ما دامك حيييييل زعلانه = وأقدم ارضاك .. قلب ٍ عجّز اخصومه
بوداعة الله يا قلبي .. روح للدانه = وأطلب رضاها بـ(قصيدة عشق منظومة

وسلامتكم ..


كل التقدير ..اخوكم ابو نايف

الموضوع الأصلي: ( اليا استجّد الغلا .. كل ٍ ومقسومة ) !! | | الكاتب: شامخ الشامخ | | المصدر: شبكة بني عبس

[ابواثنين]

صح اللسانك اخي شامخ الشامخ
جزله من شاعر جزل

[مسندالعويمري]

امـلأ الشراييـن مـن وبلـه ووديانـه
[size="4"][/size]
فاضت عليـك وتتالـى فيـك بثلومـه

أثره صحيـح الرشيـدي قـال بألحانـه

( اليا استجد الغـلا كـل ٍ ومقسومـه




صح لسااااااااااانك اخي شامخ الشامخ

قصيده في قمة الروعه

والابداع بيض الله وجهك

[عبدالرحمن العويمري]

صح لسانك اخوي شامخ الشامخ

[بدر نوران]

::

كعادتك مبدع بكل المقاييس


صح لسانك ولاهنت


تقبل اعجابي



اخوكـ


الوافي


::

[فيصل الرشيدي]

صح لسانك وعلا شانك وبيض الله وجهك يا ابونايف

بانتظار جديد ابداعك

[هداج]

ابو نايف

[سعد بن عادي]

يسعد مساء غفلة ٍ جابـت لـي الدانـه
يوم ارجعت لي مجرة قلـب منجومـه
عاشت هنا .. لولـوة حبـي ومرجانـه
لين اعلن القلب .. حظر الغير وعلومـه
إيه اشهد انـك بدولـة حـب سلطانـه
ابّى مـدادك ولبّـى فطـره وصومـه
إيه اعترف لـك بحبـك قبـل كتمانـه
وأليا كتمته توفـى القلـب مـن يومـه


أبو نايف لا جديد ابداعك مستمر بيض الله وجهك ياشامخ وصح لسانك


دمتم كما تحبون