[رسام الغروب]

لصار هم القلب من بعض الأقراب

مصيبتن يا كبرها من مصيبه

أعيش وحداني مع أصحاب واجناب

والأدمي مقسوم عمره يصيبه

والي مروعه الحبل قارصه داب

كد ذاق سم الداب هذى نصيبه

وأنا أنقرصت ومونسن عضة الناب

ياشين عضات القريب بقريبه

وعوت نفسي لتحمل والأصعاب

أصبر ولا عوتها للغليبه

واللي خفوقه يشبه أريشة أغراب

أبعد عنه مافيه حاجه غريبه

ومن ماحسب ماني بحاسب له أحساب

ومن راح لابد الليالي تجيبه

تعبت من كثر المجامل والأصحاب

وتعبت رجلي بالدروب الصعيبه

ولعل عين(ن) دمعها دوم سكاب

النوم من عقب السهر تهتنيبه

والله من قلب(ن) له أسنين منصاب

يمسي ويصبح فوق نار لهيبه

وهذى سوات الوقت صادق وكذاب

نوبن ردي وأحيان يازين طيبه

وجعلت لي عن بعض الأشخاص مجناب

هذى دواء قلبي وهذى طبيبه

(الشاعر مسفر مسند الرشيدي)

الموضوع الأصلي: هم القلب | | الكاتب: رسام الغروب | | المصدر: شبكة بني عبس

[مذكر الرشيدي]

رسام الغرووب مبدع في نقلك ولا هنت على الابداع

وصح لسان الشاعر مسفر مسند الرشيدي

[رسام الغروب]

صح بدنك

مذكر العايضي

وشاكر لك على مرورك

ولاهنت

[المداوي]

رسام الغرووب مبدع في نقلك ولا هنت على الابداع

وصح لسان الشاعر مسفر مسند الرشيدي

[رسام الغروب]

صح بدنك

المداوي

وشاكرلك مرورك الطيب