[أبو غيث]

السلام عليكم ورحمة الله وبركاته إليكم ما كتبته وأتمنى أن تنال شيئاً من رضاكم لأنه يكفيني.كما أتمنى أن تكون وافيه في صورتها ووزنها.....


عزاه ياوقتٍ مضى وافتقدناه***يوم الزمان يذكر اللي فقدها
ذكرت دارٍ به سنين سكناه ***دارٍ قديم الوقت ذكر جددها
في دار عزٍ ماضي العمر عشناه** لو العمر يمشي ينقص عددها
بعد السنين إشتقت له يوم زرناه**ودي أشوف قصور قلبي قصدها
الصاحب اللي يدخله ثقلت اخطاه**كن القدم تسأل من اللي عقدها
تسأل عن اللي داخل الدار وش جاه**وش ثقل أقدامه وش اللي وجدها
جاوبه قلبٍ منظر البيت بكاه*** هزت خفوقه يوم شاهد هددها
السقف شاله جاهلٍ ماعرفناه** الله حسيبك يامقشع عمدها
من شال سقفه سامح الله خطاياه**من واحدٍ يمحا الذنوب وزبدها
قمت آتفرج والحزن يلحق أقصاه**وبعض المناظر خففت لي نكدها
حوشٍ يرد الروح لاعشت ذكراه**في ليلةٍ تمطر خلعني رعدها
زبنت داري وبنت عايض تقفاه**من مزنةٍ هلة علينا بردها
ولا ردنا ألا سيل يجذبك مجراه**سمعت صوت السيل وسحبت يدها
يابوي قلي وش بقا من بقاياه**غير الركون اللي ذبحني هددها
ماقول غير الله يثبت زواياه**صابر سنين وليت يصبر بعدها
واللي قضى من بعدها الله يحماه**ناسٍ توفت يرحم الله جسدها
نحمده رب بالعطيه شكرناه***نعمه تدوم وخلق ربي حمدها
وختامها صلو على اللي تبعناه**مأسس السنه مبين عقدها
بعداد من لبى الندى يوم لباه*** كثر الحجيج اللي تجي من بلدها


وسلامتكم وإعذروني عن القصور............

الموضوع الأصلي: قديم الوقت!!!! | | الكاتب: أبو غيث | | المصدر: شبكة بني عبس

[ولد حايل]

صلى الله عليه وسلم

السقف شاله جاهلٍ ماعرفناه** الله حسيبك يامقشع عمدها
من شال سقفه سامح الله خطاياه**من واحدٍ يمحا الذنوب وزبدها


صح لسااانك
على هذه الذكريات

[أبو غيث]

ولد حايل تسلم ويعطيك العافيه على مرورك.......
تقبل تقديري....

[الشبيح 404]

صح لسانك و علا شانك
قصيده جميله و جزله ومن راس جزل
ننتظر جديدك
تقبل مروري

[برق الوسم]

صح لسانك و علا شانك
ننتظر جديدك

[أبو غيث]

الشبيح404 ** برق الوسم

تسلمون ولاهنتم.......وأبشرو