[منصور بن صبح]

لا تحسب النفس مما قيل مقهورة=ودنات شيً يزعلها ويرضيها
لا بالله النفس منهيه ومامورة=وانا عن الشين يا بن الناس ناهيها
وفي طردت المقفيه ما هي بمجبورة=لو كان بعض العرب جاني يطريها
يا احمد ترى خوة الأنذال معثورة=لو كنت طيب تبين بك مواريها
أهل الردى اللي عن الطالات مقصورة=اللي مع الناس مفضوحة دواديها
ومن الستر عارية ما هي بمستورة=تدنا العرب والدنا متجمعً فيها
ولو بينهم شايبً قد قفت عصوره=مع المعاثير ياخذها ويعطيها
يا مال قلع النيا اللي يضك حنجوره=اللي يبعده عن داره وهاليها
بالدمدم الخالي اللي يفقد شعوره=ما فيه غير الطيور احدن يحاكيها
يا خذ يجي حول والدورة هي الدورة=وليا رجع للعرب ولياه ناسيها
ابعد مقرك عسى تسلم من الجوره=عن من ليا جيته علومه يخفيها
واحرص على خوتن بالطيب مذكوره=خوة رجالن تشرف من يخاويها
اللي سجلاتها بالذكر معمورة=و خير المبادي ترجحها مباديها
ونصحك عن من يمينه دوم مبتورة=عن الوفاء تقصر وبالخبث يوميها
عرق الردى طيعني قصه من جذوره=تمسي ونفسك مريحها ومرهيها

الموضوع الأصلي: يامال قلع النيا | | الكاتب: منصور بن صبح | | المصدر: شبكة بني عبس

[كاتب الرشيدي]

بيض الله وجهك يامنصور

على هذه النصيحة

شاعر جزل وللجزاله عنوان بهذه القصيدة

واحرص على خوتن بالطيب مذكوره

خوة رجالن تشـرف مـن يخاويهـا

اللـي سجلاتهـا بالذكـر معمـورة

و خير المبـادي ترجحهـا مباديهـا

صحيح

يا احمد ترى خوة الأنـذال معثـورة

لو كنت طيب تبيـن بـك مواريهـا

النصح

[ابوعلي]

الله الله


صح الله السانك وعلا الله من شانك


بيض الله وجهك قصيده جزله من شاعر جزل

ويهوى الكلام الجزل عطااك العافيه ومنتضرين جديدك


سلااام

[منصور بن صبح]

اقتباس من مشاركة كــــاتــــب بيض الله وجهك يامنصور على هذه النصيحة شاعر جزل وللجزاله عنوان بهذه القصيدة واحرص على خوتن بالطيب مذكوره خوة رجالن تشـرف مـن يخاويهـا اللـي سجلاتهـا بالذكـر معمـورة و خير المبـادي ترجحهـا مباديهـا صحيح يا احمد ترى خوة الأنـذال معثـورة لو كنت طيب تبيـن بـك مواريهـا النصح

وجهك اييض ياكاتب

وشهادتك وسام على صدري

تشرفت في مرورك

[النقيشى]

صح الله السانك موعظة وتجربه من قرم

[عنتر زمانه]

يا سلام سلم

درر وجواهر منتقاه من بحر متلاطم الامواج

فأجد بها النصيحه والتوعيه والارشاد وهذه القصيده أجتماعيه او تنطوي تحت لواء النصائح فقل من يتطرق لها هذا الوقت الا ما قل وندر فأنت رغم صغر سنك ! فهنا أنا لم اعرفك ولكن يبقى توقع فقط لا غير ..؟ أجدت بكل ما قلته وصح الله السانك يا بن صبح ..

[سرحان]

صح لسانك يابن صبح

[منصور بن صبح]

اقتباس من مشاركة ابوعلي الله الله صح الله السانك وعلا الله من شانك بيض الله وجهك قصيده جزله من شاعر جزل ويهوى الكلام الجزل عطااك العافيه ومنتضرين جديدك سلااام

صح بدنك ووجهك ابيض يابو علي

تشرفت في مرورك

بيض الله وجهك