[توني بلير]

السلام عليكم ورحمة الله وبركاته

أنقل لكم محاورتي وأتمنى ان تنال أعجاب الجميع



أبو عوجه

يابلير يابلير زوجني بليريه=خل العوج باخر الدنيا يتقشمها
شبعت مابي سعوديه رشيديه=ابي من اللي تحتها يشبه الفمها هههههههه







توني بلير

يا عويج يلي سواليفك دوينيه=السنه الله من أشكال يسلمها

النفس بالدين مأموره ومنهيه=ونفسك بهرج الفساد اليوم ظالمها

أبو عوجه


يابلير انا اخطب منك والنيه النيه=ابي بليرية ِ حمر ِ براطمها
لاتدخل الدين بعلوم المسيحيه=يامحللين الخمور الله محرمها




توني بلير

الله يصلح نواياك التجاريه=قدام دنياك لا تقفي معالمها

ما نزوج العود مفقود الصلاحيه=حاول على قولة العربان تفهمها




أبو عوجه
الدياركم برومنسيه وحريه=وشعوبكم عايدي دخلت محارمها
وانا عزوبي وفي عزبة عزوبيه=مغير كاساتهم بسطل اليمها





توني بلير

أثريها طافت وأثر عينك عماويه=هرج العرب ويش يومنك تكلمها
الله يهديك يا عايش مع السيه=هذي علومك نهار البعث تلقمها

أبو عوجه

ماطافني شئ يعيون النداويه=الله يسلمك وهي الله يسلمها
أنته بنيه وانا يابلير في نيه=اثرك تجيب الحلوم اللي تحلمها






توني بلير


أنشد وتلقى الاجابه نارها حيه=ما يستوي سيد العالم وخادمها

ماني بنيه فحل يا منشف الطيه=ولانت بك نقص يا سيد خواتمها

أبو عوجه

اسمع كلام ابو عوجه ميه بميه=انته تحكمك مره منته بحاكمها
فتحت فمك وتنطحت الشماليه=ولاباقي الا سواليف ِ تهمهمها






توني بلير

الحرمه ماتشتكي بأوضاع حربيه=تحمي ديرها ومثلك ما يخاصمها
ولا انت تشكي وتبكي من يمانيه=تشكي لتوني وجاك اليوم حطمها

أبو عوجه

انته سنافي وتخضع لسنافيه=لاصرت من حولها محد ِ يكلمها
وحنا هل الدين ورايه سعوديه=عدواننا وجيهها بالوسم ناسمها




توني بلير

أبلير بالمملكه باني مبانيه=وليا زعلنا على راسك نهدمها
مريض تحتاج لك وصفات طبيه=تفتح عيونك عن حلوم(ن) تحلمها

أبو عوجه

خشتك راحت تقل خشت نعيميه=من راس الاعوج بعد جاتك تطعمها
خذ العوج معك في رحله اعلاجيه=مريض لو شاف له ناس ِ يقومها




توني بلير

صارت بيوتك بـ تال اللعب عاديه=لملم هجوسك قبل تنطق ونظمها
أيدور المجد وساكن بالعراديه=المجد لرجال شدت في عزايمها

أبو عوجه
انا بيوتي مثل طعنات جنبيه=مسمومة ٍ كم وكم من ناس توألمها
والمجد بيدين قوم ٍ تنطح الهيه=والا انت حتى القرى اشوفك تخمخمها




توني بلير

وأنا بيوتي صواريخ(ن) نواويه=وجنبيتك ما تفيدك في محازمها
انت بدوي(ن) نطح غارات جويه=والبدو من هولها ما سكرت فمها

أبو عوجه

يازين صوتك لاذبيت الهجينيه=تركب بيوت وبيوت ِ تحنتمها
انا بدوي لاكويت انجض الكيه=والا اليهود البلا داخل زغاتمها





توني بلير

انت مع بلير مثل مزون صيفيه=تمطر اذا الوالي الرحمن قاسمها
مامن فوايد مع عقول(ن) جنونيه=ما فيه غير الخساره في ملازمها

أبو عوجه

راحت اعلومك معانا طاق طاقيه=حتى الرماده من الضيقات تلهمها
وقعت يابلير وقعه زين بيديه=وهذي تراها من دروس ِ تعلمها




توني بلير

حنا رجال(ن) مع العالم غناويه=وناس(ن) تجيب المطمه ما نخامسها
يوم القيامه عليك شهود عضويه=واللسانك اللي معك ينطق يترجمها

أبو عوجه

مدام هذي اعلومك بالختاميه=ابختم الختم في ظهرك وابختمها
يابلير ياللي كليت الحمه النيه=علم جماعتك لاسافرت علمها






توني بلير

الخاتمه لا حكم رب الاولوهيه=أتعض أصابعك نادم ليت كاتمها
مع السلامه وليتك تصلح النيه=تراك في هرجك المنبوذ معدمها

الموضوع الأصلي: طاروق أبو عوجه مع توني بلير | | الكاتب: توني بلير | | المصدر: شبكة بني عبس