[الاجهر]

محمد بن حمد بن محمد بن فطيس المري
قصيده جميله ويقول فيها

مانيب من ياتي ولا يدرابه=شطر حفظته ماعرف كتابه
شطر يناسبني لمثل الليله=واشوفني في ذالمكان اولى به
ابتكل بالله ونعم بالله=اللي مايوصد دون خلقه بابه
باقول واللجنه تقيم قولي=ومن كثرت الشعار ماني آبه
الحمد لله واثق(ن) من روحي=وان كنت ذيب فالرجال ذيابه
ما اقول انا اشعر واحد فالدنيا=لكن قصيدي كفو وانا ادرابه
الشعر جمعنا لو تفرقنا=حدودنا وظروفنا الغلابه
الله يبيض وجه راعي الفكره=عز الله انها تنحسب لحسابه
والله يبيض وجه من يرعاها=محمد الله يحفظه لاحبابه
محمد ولد زايد عريب المجنى=ولي عهد الديره الخلابه
الشعر تاريخ(ن) لنا من مبطي=واعلامنا يوم السنين نهابه
الشعر بيت(ن) والوزن عمدانه=معناه طنب وقافيته حجابه
الشعر واد فيه صيد(ن) واجد=وكل على الوادي يهج ركابه
والافكار صيد وكل شاعر قانص=وكلن يدسم شاربه مخلابه
احد(ن) خياله حر واحد(ن) وكري=واحد(ن) خياله كوبجن بقطابه
وانا خيالي كل ماهديته=حول على الوادي وصاد عقابه
شاركت امثل ديرتي وربوعي=وكلن يمثلن ديرته واقرابه
والله الا الله راد والله قاله=اني لسلمها الفخر وكتابه
داري قطر وانا اهنا امثلها=المجد مطلوبي وانا طلابه
عهد علي اني لشرف داري=ترك صبي ما يعز ترابه
شوفوا دمي من حبها عنابي=وحماستي من ضووها شبابه
شاعر خليجي والعروبه بيتي=والبيت ماياقف بدون اطنابه
وان عودت بين القبايل فزعه=انا اشهد ان لي فاللوازم لابه
لي فالقبايل ربع واقدرهم=ماني بمن يجهل مقام اصحابه
وان عودت لاصلي فانا اصلي مري=من صلب يام اهل القنا وخضابه
قوم لنا فوق المعالي بيرق=والسيف قوة سلته بانصابه
الشعر طوقني وانا طوقته=قمت اتمشابه وفك ابوابه
يابنت ياللي تفرقين بعودش=مالومهم لاكثروا الخطابه
لامر بش دربش على خلق الله=قالوا كذا بالاصبع السبابه
زينش يزينه فعل ابيش وجدش=وانتي بدورش للنقا كسابه
قومي تباهيبي وفلي راسش=عليش من ستر الشرف جلبابه
وان ماسترتش بالفعول وباسمي=فعقبني الفنجال ياصبابه

وسلامتكم

الموضوع الأصلي: محمد فطيس المري | | الكاتب: الاجهر | | المصدر: شبكة بني عبس

[سعد بن عادي]

ابـتـكـل بالله ونــعــم بالله
اللي مايوصـد دون خلقـه بابـه
انا اشهد


الحمد لله واثق(ن) مـن روحـي
وان كنت ذيـب فالرجـال ذيابـه

كفووو والله


الشعر واد فيـه صيـد(ن) واجـد
وكل على الـوادي يهـج ركابـه


بيض الله وجهك يا الاجهر على نقل كل ماهو مميز
وبن فطيس شاعر متمكن .. وقصائده مميزه

اشكر لك حسن الاختيار

دمتم كما تحبون

[الاجهر]

اقتباس من مشاركة سعد بن عادي ابـتـكـل بالله ونــعــم بالله اللي مايوصـد دون خلقـه بابـه انا اشهد الحمد لله واثق(ن) مـن روحـي وان كنت ذيـب فالرجـال ذيابـه كفووو والله الشعر واد فيـه صيـد(ن) واجـد وكل على الـوادي يهـج ركابـه بيض الله وجهك يا الاجهر على نقل كل ماهو مميز وبن فطيس شاعر متمكن .. وقصائده مميزه اشكر لك حسن الاختيار دمتم كما تحبون

مرورك اسعدني وكلمات خير دافع لى
مشكور من الاعماق

[عيد بن عبيد]

قومي تباهيبـي وفلـي راسـش

عليش من ستر الشـرف جلبابـه

وان ماسترتش بالفعول وباسمـي

فعقبـنـي الفنـجـال ياصبـابـه



سلمت يمينك الاجهر

[الهنوف]

مشكووووور أخوي الأجهر على النقل الجميل للقصيدة ووفقك الله...

دمت بخير
أختك الهنوف

[بشير العايضي]

السلام عليكم

شاعر رائع ولاا فيه كلااام
ولكن ليس هو الأجدر بالمليون
لكن خدمه وطنه وجمهوره باللقب
ويستاهل و لاا أقلل من شانه
يمتااز بشااعريه وأخلااق عاليه
مشكور اخي الكريم الأجهررر

[ابن جحيل]

شكرآ يالاجهر على هذا النقل الموفق ابن فطيش شاعر ومن سلالت ابن الغيهبان المري اليامي المعروف واليك هذه القصيد علمآ بان لها قصه جميله ولاكن لم تحضرني حاليآ وسوف ازودك بها لاحقآ واتركك مع قصيدة الغيهبان الذي ينتمي اليه ابن فطيس

دارٍ عفت من دار ساكن حيها
أدى بصدري عبرتي وبكائي
دارٍلصافية الجبين محلها
دارٍ تبوج حنادس الظلمائي
أخوي يقول انك تشوف حليلتي
حاشا ولا لدتَ لها عينائي
تكرم من الهرج الخبيث لحانا
وفروجنا تكرم من الفحشائي
ياعم لاترضى علي بقلَه
بالكثر ياعمي وحن اشوائي
ترى الحرار عيالها ثلاثه
وترى الدجاج يكثر الاضنائي
انشد عني ناصر بن مقرب
راعي الغيان وراعي الصفرائي
يومٍ لحقته في المضيق فقال لي
يأمن وياسر ان بغيت جزائي
عدلت راس الرمح ثم ركزته
في راعي المجبوبة الحمرائي
ياالله يالمطلوب ياجزل العطا
اللي بغيت الكامتين ادرائي
اللي الى من قال كن كان الحيا
محيي العضات البايده بالمائي
انا بليت بخبرةٍ لم يخلقوا
الا لسبب شقاوتي وعنائي
ابليس والدنيا ونفسي والهوى
وين النجاة وكلهن اعدائي
ابليس يوزي بي لدرب مهونتي
والنفس توزي بي على البلوائي
قال الشبيبي والذي له ساب
من خيل نجدٍ مهرةٍ شعوائي
ابرَها ولابعد ركبتَها
الا نهار ورودنا لطوائي
كودٍ على الرجل القصير يعنها
الا يعرضها شبه سندائي
سميَت بالرحمن ثم ركبتها
بسيف هو والجوخة الحمرائي
يوم جيت لاذي كاعبي مسلوبه
تذرف بدمعة عينها النجلائي
بيضا وخالطة البياض بحمره
مثل الذهب في الفضة البيضائي
ثم قلت يابيضا عليك بسترك
الستر تحت البيضة النصبائي
كاني لحقت البل ولا رديتها
فانا رقيد القينة السودائي
لحقت كبير القوم ثم قضعته
قضع الجمال السود في الظلمائي
ذبحت منهم سبعةٍ مع ثمانيه
ورديت جزلاهم على الهزلائي
ذا قول منهو ما غدا في زله
عند الرفاقه كلهم طرقائي
الا ورا بدوان يام شالح
بمسلهب وطويلة العلبائي
قلته وانا من راس غلبا لابه
ماهم بقصار البتوع اشوائي
اهل تطاليع القفور ليا وزى
في القيظ راعي الفرقة المعزائي

[سالم الرشيدي]

شكرآ يالاجهر على هذا النقل الموفق


ابن فطيش شاعر ويستاهل المليون