[متعب ابو أحمد]

,يارحلـة النسيـان , زودتـي الكـيـل
اسمع بك ومـات الصبـر فـي مهـاده

وصدري شمالي ينقـل الحمـل ويشيـل
ما لا يطـاق ... مـن الهمـوم وزيـاده

وما جبت حرفي مـن خيـال وتهاويـل
النـار .. شاهدهـا بقـايـا الـرمـاده

والذكريات اللـي مثـل جـارح السيـل
يبقـى لهـا بـث ٍ ,, مباشـر واعـاده

والا العلـوم اللـي مثـل كذبـة ابريـل
تصير .. شرب الدهـر .. وتصيـر زاده

يا هاجسي .. مشاعـري لـك معاميـل
احطب من ضلوعـي .. وشـب بركـاده

قلبـي مزلـك .. والحنـايـا فناجـيـل
وفاي .. بنهـ.. والصراحـه .. اقنـاده

ضيفك مسمينـه هلـه .. فتنـة الجيـل
مـا عـاد بقـوا لـلاوادم ... اشــاده

(( اعن له عنة .. هل الكيف للهيـل ))
واشتاق له شـوق الغريـب .. لبـلاده

واشتاق له شوق ٍ مثـل طـاري سهيـل
عنـد البـدو لاهـب غربـي .. بـراده

شوق ٍ يعادل .. شوق اهل مصر للنيـل
شـوق الجبـاه الطايعـهـ... للعـبـاده

وادرى .. عليه من الحكـي والاقاويـل
ولا استمع فـي حكـي نقـال .. افـاده

عليه اغار .. مـن الذهـب والخلاخيـل
وعليـه اغـار مـن الحلـق والقـلاده

وعليه اغار من .. العطر .. واسود الميل
واغار حتـى مـن .. قمـاش الوسـاده

عشقه كريم ... وفي مواصيلـه ابخيـل
ويدري بحبي له .. وانا اجهـل مـراد ه

وطيفه معي ما غاب عنـي .. ولا ليـل
احزن لحزنه .... واحتفل فـي عيـادهـ

الموضوع الأصلي: رحلة النسيان | | الكاتب: متعب ابو أحمد | | المصدر: شبكة بني عبس

[خطاف الشعار]

متعب أبو أحمد

أشهد بالله انك شاعر علم وأنك الشاعر اللي يحبك القصيدة

سجل إعجابي بالدرر النادرة وبنتظار جديدك

أرجو من مشرفين القسم تثبيت القصيدة لأنها قصيدة تكتب بماء الذهب

[مرزوق العجوني]

صح لسانك اخوي متعب ولا هنت وتقبل مروري

[برق الوسم]

متعب ابو احمد
صح لساانك
قصيده رائعه
ننتظرجديدك تقبل مروري

[متعب ابو أحمد]

شكرآ للجميع


اسعدني مروركم



واشكر أخي مرزوق العجوني على التثبيت


لكم احترامي وتقديري

[نواف معلا]

....... شكرأً لك

فدوماً أجدك تنتقي من الشعر أو الكلام أبلغه

ومن العزفِ أعذبه

فما أبلغك وأرّقك واعذبك
تقبل مروري

[عاشق الاتي]

والله مدري وش اختــــار الابياات كلها تكتب من ذهب
عـــــز الله انــــــك شــــاعـــــر صح الله لسانك قصيدده راائعه جميله مذهلــــه

[مشوح القعبوبي]

صح لسانك صعبه الي هدرجه