[عبدالرحمن هليل]

حي الخطاب وحي من جاب الاخبار
يامرحبن عدة احساب النجومي
واعداد من طافو على البيت زوار
يرجون غفران الكريم الرحومي
مكبرين وجوه من كل الاقطار
يسبحون وطالعات الكمومي
يالصاحب اللي ذايقين مر الامرار
بسباب حب مرودعات الوشومي
ابدا غريباتن على القلب تذكار
هواجسن وردن عليه اهجومي
يوم الهوى والحب ياوافي الاشبار
واليوم عندي مابقتله رسومي
ان كان عندك يبيض الوجه مشوار
خلك على الطرقه حصانن عزومي
ممشى النقى لو هو على صالي الحار
مايلحقك من نيت الخلق لومي
لو كل من طب المحيطات ماحار
ولا كل كواين يصيد الوهومي
طرد الهوى سوقن تهاواه تجار
احدن كسب واحدن يروح محرومي
من عصر نوح وعصر سكانت الغار
والوقت بين العشاشيق محكومي
راع الهوى والحب عرضه للاخطار
ولا يلام لو انه يطش الهدومي
ولو عرضه للبيع في غال الاسعار
وتسومها من عرض ناسن تسومي
ولا عزمت اصبر ترى الوقت دوار
ولابد من ربك يحل الهمومي

الموضوع الأصلي: هذا رد الشاعر مبروك العرعري على قصيدتي | | الكاتب: عبدالرحمن هليل | | المصدر: شبكة بني عبس

[عبيد33]

صح السان الشاعر مبروك

والله يعافيك ع النقل

تغبل مروووووووري

[حــزام]

مرد وافي

صح لسان الشاعر مبروك العرعري

عالقصيد الجزل

ولاخلا ولاعدم

[عبدالرحمن هليل]

شكر اخ عبيد والاخ حزام

[مزن تهاما]

صح لسان الشاعر على القصيده ومشكور يالناقل00

[عبدالرحمن هليل]

اشكر الاخ عبيد والاخ حزام ومزن تهاما