[ثويمرالعجوني]

بيض الله وجه حاجر وابن عمه=عدماعدو كريمين السبالي
يابن حامد قل لابن عمك وسمه=مدح ابن عمران ماجاني لحالي
ياعتيق المدح يزهاك وتهمه=شايملك ياولد حام التوالي
يالثنين الطيب ماقفكم يلمه=كاسبين الطيب من اول وتالي
كل واحد ماخسر من راح يمه=يقضي الواجب على طول الليالي
مثل عد ٍ بالروى ماغاض جمه=يسقي العطشان من عذب الزلالي
من يجيكم باللزوم يزول همه=لوعليه المشكله كبر الجبالي
مالحقكم لاملام ولا مذمه=طيبين ٍمن عمام ومن خوالي
ناطحين بساعة الضيق المهمه=مايهابون المواقف بالقتالي
مايحوش الطيب رجل ٍ راب دمه=غير من ياقف مواقيف الرجالي
من وقف لطيب ميقافه يتمه=مايجيه المدح جالس بالظلالي
المعالي يالنشاما راس قمه=مايصلها غير من يرقا المعالي

الموضوع الأصلي: قصيدة موسى بحاجر وبن عمه عتيق | | الكاتب: ثويمرالعجوني | | المصدر: شبكة بني عبس

[مرزوق العجوني]

صح لسااان الشاعر الكبير موسى ابن عمران ويستاهل الشيخين المدح ولا هنت يابو نايف على النقل وتقبل مروري