[الاجهر]

قال المقوعي قـدر الحـرف تقديـر=لاخيـر بالدنيـا ولــذة منـامـه
يامنيف عقب ربوعنا جت معاصيـر = والجو أشوفه قـام يـذري كتامـه
يامنيف وين اللي يجونـا مساييـر= أهل الشرف والطيب وأهل الشهامـة
أهل البيوت اللي عمدهـن كواسيـر= ربعي اللي صارت علـىٌ الغرامـه
ماتقل بأرض الصور بنـو دواويـر= ولاتقل شفـت بيوتهـم والجهامـه
توادعوا بالصور واقفـوا مسافيـر= الله يوفقهـم طـريـق السـلامـه
تشالعوا من عندنـا شلعـة الطيـر= صلف(ن) هواه وشاف فرخ الحمامه
بس العجـاج اقفيهـم لـه تثاويـر= مرباعهم جو(ن) كثيـر(ن) رمامـه
تلقى لهم بارض الموشـم مقاطيـر= هاك الديار اللي رفيـع(ن) مقامـه
مدهالهـم يـوم الليالـي مخاضيـر= إليا اشتبك عشب السهل مع خزامـه
أهـل بيوتـن مجمـع للخطاطيـر= والضيف عصبان المفطـح يدامـه
برفافهم تلقـى الأوجيـه المسافيـر= ودلالهم من حـب صنعـاء طعامـه
ونجر(ن) يصوت بالليال المعاسيـر= ونار(ن) ينـادي للطرقـي شعامـه
ندعـي لهـم بمكبـرات المزابيـر= غر(ن)على صفر المخيط انهشامـه
غر(ن) هللهن فوق لابـة زبيعيـر= منه المخيـط يشيـل راس العدامـة
وتضفي على نجد المزون الشخاتير= وراع الغنم والبل يطـش المسامـة
ياخذ سنه ما شد يجمع مـن الخيـر= ويمضي زمانه مارحل عقـب قامـه
وتخضر ديـار مدلهيـن المعاشيـر= بني رشيـد اللـي حكـو بالقوامـه
بني رشيد اليـا اعتمـن المشاويـر= وصارت على من شار فيها ملامـه
وصاح الصياح وقيل ماانتم على خير= مير افزعوا وخذ الدبش مع خيامـه
وقالوا ترى قوم الدبش حرب ومطير= ربع(ن) على الردات يعجب نظامـه
يبـون اباعركـم وخـز العاشيـر= وضارين لأخذ اللي ردوم(ن) سنامه
لحقوا على شهب(ن) واهلهن مناعير= وحمي الطراد وصار عند الجهامـة
وتعاطبـوا بالفعـل عنـد المغاتيـر= وكلن جرد سيف الفرح من إلجامـه
ولجن بنات البدو حـدر المقاصيـر= وقبقب شراع العـز قبـل انهدامـه
هـاذي عوايدهـم تفـك المظاهيـر= لاطار ستر اللي جديـد(ن) وشامـه
ربعي هل الـردات مابـه معاذيـر= بني رشيد عـزات منهـم عمامـه
وربعي اليا نامووا بحدب المناظيـر= كـم واحـد بالكـون بتـو حزامـه
اليا عودو قفـوا المتلـي صوابيـر= وصارت على من شار فيها ندامـه
مركاضهم يشبع به السبع والطيـر= والضبعة العرجـاء تغـز العلامـه
صيـارم يـوم الملاقـا سواعـيـر= والعمر يهدونه لمـن كـان سامـه
ومن قال حنا أطيب فهو ماعمل خير= يظلـم نصيبـه والقبايـل اكعامـه
الناس مثل الناس مشـاي ومغيـر= وكـلٍ علـى حـده وكلـن بزامـه
والفعـل ماخـلاه عـرار لعمـيـر= وذياب ماقنعـس لشلفـاء سلامـه
هذا المثل والنـاس تمثيلهـم غيـر= والعيـب باللـي مايثمـن كـلامـه
ماحـط بالقيفـان كـذب ومعاييـر= والصدق صابون الفـؤاد وختامـه
وصلوا على اللي حج مكـة بتكبيـر= نبينـا اللـي شـرف الله مقـامـه

الموضوع الأصلي: قال المقوعي | | الكاتب: الاجهر | | المصدر: شبكة بني عبس

[فيصل الرشيدي]

ونجر(ن) يصوت بالليال المعاسيـر
ونار(ن) ينـادي للطرقـي شعامـه
ندعـي لهـم بمكبـرات المزابيـر
غر(ن)على صفر المخيـط انهشامـه



صح لساااااااااااااااااااانك

والله لا يهينك
على النقل

[أنكسارحلم]

اخي الاجهر

اشكرك من اعماق القلب على نقل هذه القصيده الرائعه

لشاعر علم من اعلام الشعر النبطي

وهو الشاعرالكبير معلث مصلح المجوعي رحمة الله عليه



تحياتي

[بشيرالشويلعي]

رحمة الله عليه

شاعر علم ورحيلة ثلمة في جبين الأمة0

[ابو خليل]

صح السانك اخوي ( الاجهر )

لشاعر علم من اعلام الشعر النبطي

وهو الشاعرالكبير معلث مصلح المجوعي رحمة الله عليه


تحياتي لك





;) :p ;) :p

[راكان الرشيدي]

اخي الاجهر

اشكرك من اعماق القلب على نقل هذه القصيده الرائعه

لشاعر علم من اعلام الشعر النبطي

[ابوصالح]

صح السانك اخوي ( الاجهر )

لشاعر علم من اعلام الشعر النبطي

وهو الشاعرالكبير معلث مصلح المجوعي رحمة الله عليه


تحياتي لك

[الاجهر]

الاخ / سيف عنتر
الاخ / ناصر
الاخ/ ابوصالح
الاخ / مستشارنا المحبوب
الاخ / اركان
الاخ / ابوخليل

اشكر مروركم

مليارات العوافي

اعدكم بالمزيد