[عقيل العويمري]

[frame="7 70"]

الهواجيس

ياليل بك هاضت علي الهواجيس =هاضت هواجيسي على هجعة الناس
تجمعن جديدهن والمراميس = في وسط قلبي مالهن حد وقياس
على فراق ابو العيون النواعيس= ماغفت عيوني على الطرف بنعاس
قضيت ليلي في هموم ووساويس=والعين كن الها عن النوم حراس
عليكي يازاهي جديد الملابيس =شربت من مرن وحالن بالتعاس
من حبكم شربت مر التواعيس =مر الهموم اللي تجي وقت الادماس
كن الحشا يصلى بنار ومقابيس = كنه يولع داخل القلب مقباس
من شافني يقول يافلان لابيس= اجلس واقوم من حر مونس بالاوناس
يبستني ياكامل الزين تيبيس = وانشفت حالي بالرجاء منك والياس
وانت كما نون تجيله عواسيس=مثل الحياء وانا لكم جيت عساس
حبك مسيس داخل القلب تاسيس= حبن قديم مشيدينه على ساس
والحب من عهدن لعنتر وابا قيس=قبلي وقبلك شيب بكم من راس
والحب لوعه ماله شروح تدريس= ولاذكر بالماضي للاحباب دراس
يقولها من مارس الحب تمريس=عن ماجرالي معك ياظبي الاطعاس
كتبت لك خطي ببيض القراطيس=وعبرتلك عن مابقلبي بقرطاس

[/frame]

الموضوع الأصلي: الهواجيس | | الكاتب: عقيل العويمري | | المصدر: شبكة بني عبس

[ابراهيم المدينه]

صح لسآنك على القصيده
الراااااااائعه
ننتظرجديدك

[ابوعيدالعويمري]

صح لسآنك على القصيده
الراااااااائعه
ننتظرجديدك

[ممدوح راشد]

والحب لوعه ماله شروح تدريس= ولاذكر بالماضي للاحباب دراس
يقولها من مارس الحب تمريس=عن ماجرالي معك ياظبي الاطعاس

صح لسانك يا بو فايز قصيده تستحق المرور لانها من شاعر مبدع ورائع
تقبل تحياااااااااااتي ومروووري